މީރާ އިން މިއަދު ހާމަކުރި ތަފާސް ހިސާބުތަކުން އެނގުނު ގޮތުގައި މިއީ މިދިޔަ އަހަރުގެ ޖެނުއަރީ މަހާ އަޅާބަލާއިރު އިތުރު އަދަދެކެވެ.
މީރާގެ ހިސާބުތަކުން ދައްކާ ގޮތުގައި އެއާޕޯޓް ޑިވެލޮޕްމަންޓް ފީގެ ގޮތުގައި 115 މިލިއަން ރުފިޔާ ލިބިފައިވާއިރު، ޑިޕާޗާ ޓެކްސްގެ ގޮތުގައި 113 މިލިއަން ރުފިޔާ ލިބިފައިވެ އެވެ. މިދިޔަ އަހަރުގެ ޖެނުއަރީ މަހާ އަޅާބަލާއިރު މިއީ 28 މިލިއަން ރުފިޔާގެ އިތުރުވުމެކެވެ.
އެއާޕޯޓުން ލިބޭ އާމްދަނީ އިތުރުވެފައިވަނީ ދެ މައިގަނޑު ސަބަބަކާ ހުރެ އެވެ. އެއީ ރާއްޖެ އަށް ޒިޔާރަތްކުރާ ޓޫރިސްޓުންގެ އަދަދު އިތުރުވުމާއި، މިދިޔަ އަހަރުގެ ޑިސެމްބަރު މަހުން ފެށިގެން ޓެކްސް ނަގާ ރޭޓަށް ބަދަލު ގެނައުމެވެ.
މީރާ އިން ބުނީ އެއާޕޯޓުން ލިބޭ އާމްދަނީ އިތުރުވަމުން އަންނަ މިންވަރަށް ބަލާއިރު މިއަހަރު އިތުރު ކުރިއެރުންތަކެއް ލިބޭނެ ކަމަށް ލަފާކުރެވޭ ކަމަށެވެ.
