ރާއްޖެ ޓީވީގެ ޕްރޮގްރާމެއްގައި ވާހަކަދައްކަވަމުން އިލްހާމް ވިދާޅުވީ ރައްޔިތުންގެ މަޖިލިސް މެންބަރުން އަތުލަފިކޮށްގެން ނުގެންގުޅެވޭނެ ކަމަށާއި، މަޖިލިސް މެންބަރުން ރައީސް މުއިއްޒާއި ދެކޮޅަށް ތެދުވެ، ފާޑުކިޔައި، ދެކޮޅަށް ވޯޓުދޭން ފަށާނެ ކަމަށެވެ.
މިހާރު ރާއްޖޭގެ ރަށްތަކުގައި ތަރައްގީގެ މަޝްރޫއުތައް ކުރިއަށް ނުދާތީ ރައްޔިތުންގެ ޕްރެޝަރު އިންތިހާއަށް މަޖިލިސް މެންބަރުންނާ ދިމާލަށް އަންނަމުންދާ ކަމަށް އިލްހާމް ފާހަގަކުރެއްވިއެވެ. . ހާއްސަކޮށް އެނާ ބުނީ ކުރީގެ ރައީސް ޔާމީންގެ ވެރިކަމުގައި ވެސް އަދި އިބްރާހިމް މުހައްމަދު ސޯލިހުގެ ވެރިކަމުގައި ވެސް ވަރަށް ފަސޭހައިން ރައްޔިތުންނަށް ލިބެމުންދިޔަ އާސަންދައާއި އެންސްޕާގެ ހިދުމަތް މިހާރު ރައްޔިތުންނަށް ނުލިބޭ ކަމަށެވެ.
ހަމައެއާއެކު މިއަދު މަޖިލިސް މެންބަރުންނަކީ ވަރަށް ނިކަމެތި ބައެއް ކަމަށާއި، އާރެއް ބާރެއް ނެތް ބައެއް ކަމަށް އިލްހާމް ވިދާޅުވިއެވެ. އޭނާ ވިދާޅުވިގޮތުން މަޖިލީހުގައި މިހާރު މަސައްކަތް ކުރަންޖެހެނީ "އޯޑަރާ" އެއްގޮތަށް ކަމަށާއި، މެންބަރުންނަށް އެއްވެސް ކަމަކާ ގުޅިގެން މަޝްވަރާކުރުމުގެ ފުރުސަތު ނުލިބޭ ކަމަށެވެ.
