ސޯޝަލް މީޑިއާގައި މިއަދު ކުރެއްވި ޕޯސްޓެއްގައި އުޝާމް ވިދާޅުވެދެއްވީ، ކުރީ ސަރުކާރުގެ ދަރުގައި ޖޭއެސްސީން ފަނޑިޔާރުންނަށް އެޅި ފިޔަވަޅުތަކާއި މި ސަރުކާރުގެ ދައުރުގައި އެޅި ފިޔަވަޅުތަކެވެ.
އުޝާމް ވިދާޅުވި ގޮތުގައި މި ސަރުކާރުން މިހާތަނަށް ފަނޑިޔާރުންނަށް އަޅާފައިވަނީ އެންމެ ފަސް ފިޔަވަޅެވެ. އެއީ ސުޕްރީމް ކޯޓުގެ ތިން ފަނޑިޔާރުން ސަސްޕެންޑް ކުރުމާއި އެހެން ދެ ފަނޑިޔާރެއްގެ ސުލޫކީ މައްސަލަ ސާބިތުވެ، ނަސޭހަތްދިން ދެ ފަނޑިޔާރުންނެވެ.
ސުޕްރީމް ކޯޓުގެ ތިން ފަނޑިޔާރުން ސަސްޕެންޑް ކުރިއިރު، އޭގެ ތެރެއިން އެއް ފަނޑިޔާރުވަނީ އަމިއްލައަށް މަގާމުން އިސްތިއުފާ ދެއްވާފަ އެވެ.
އުޝާމް ވިދާޅުވި ގޮތުގައި ކުރީ ސަރުކާރުގެ ދައުރުގައި ފަނޑިޔާރުންނަށް 56 ފިޔަވަޅު އަޅާފައިވެ އެވެ. އެއީ، ފަނޑިޔާރުކަމުގެ މަގާމުން އަށް ފަނޑިޔާރަކު ވަކިކުރުމާއި، 12 ފަނޑިޔާރަކު ސަސްޕެންޑް ކުރުމާއި ތިން ފަނޑިޔާރެއްގެ މަގާމު ދަށްކުރުމުގެ އިތުރުން 33 ފަނޑިޔާރަކަށް ސުލޫކީ މައްސަލަތަކުގައި ނަސޭހަތްދިނުމެވެ.
