އޯޓިޒަމް ކޮންމެ ކުއްޖަކީވެސް ޤައުމަށް މަންފާކޮށްދޭނެ ކުއްޖެއް: ރައީސް
މުހައްމަދު އާދަމް އަހްމަދު
02 އޭޕްރީލް 2025 - 13:01:27
އޯޓިޒަމް ތަހައްމަލުކުރާ ކޮންމެ ކުއްޖަކީވެސް ޤައުމަށް މަންފާކޮށްދޭނެ ކުއްޖެއްކަމަށް ރައީސް ޑރ. މުހައްމަދު މުިއއްޒު ވިދާޅުވެއްޖެއެވެ.
Advertisement
އެ މެނަކިފާނު މިހެން ވިދާޅުވީ މިއަދު ފާހަގަކުރަމުންދާ އޯޓިޒަމް ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގައެވެ.
ރައީސް ޑރ. މުހައްމަދު މުިއއްޒު ވިދާޅުވީ ކޮންމެ ދިވެހި ދަރިޔަކީ މި ގައުމަށް މުހިންމު އަގުހުރި ދަރިއެއް ކަމަށެވެ. އެގޮތުން އޯޓިޒަމް ތަހައްމަލު ކުރަމުންދާ ކުދިންނަކީވެސް ގައުމަށް މަންފާކުރާނެ ކުދިންކަން އެމަނިކުފާނު ވަނީ ފާހަގަކުރައްވާފައެވެ.
" ކޮންމެ ދިވެހި ދަރިޔަކީ މި ގައުމަށް މުހިންމު އަގުހުރި ދަރިއެއް ކަމަށާއި އޯޓިޒަމް ތަހައްމަލުކުރާ ކޮންމެ ކުއްޖަކީވެސް ޤައުމަށް މަންފާކޮށްދޭނެ އެތައް ހުނަރެއް ހުރި މޮޅު ކުދީން." ރައީސް ޕޯސްޓްގައިވެއެވެ.
ރައީސް ވިދާޅުވީ އެ ކުދީންނަށް އަޅައިލުމާއި ލޯބިދިނުމަކީ ޤައުމީ ވާޖިބެއްކަމަށެވެ.
ދުނިޔޭގެ އޯޓިޒަމް ދުވަސް ފާހަގަކުރަނީ ކޮންމެ އަހަރެއްގެ އޭޕްރިލް 2 ވަނަ ދުވަހުއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
100%
ވަރަށް ސަލާމް
ކޮމެންޓްސް
