ads
އާބަންކޯއިން އޯޓިޒަމް ސެންޓަރުގެ ކުދިންނަށް ހާއްސަކޮށްގެން ބޭއްވި ރޯދަ ވީއްލުން - ފޮޓޯ:އާބަންކޯ
އޯޓިޒަމް ހުންނަ ފަރާތްތަކަށް ހާއްސަ ތަމްރީން ޕްރޮގްރާމްތަކެއް
އޯޓިޒަމް ހުންނަ ފަރާތްތަކަށް ހާއްސަ ތަމްރީން ޕްރޮގްރާމްތައް ހިންގުމަށް ހެލްތް މިނިސްޓްރީން ނިންމައިފިއެވެ.
Advertisement

މި ޕްރޮގްރާމްތަކަކީ ދުނިޔޭގެ އޯޓިޒަމް ހޭލުންތެރިކަމުގެ ދުވަސް ފާހަގަކުރުމުގެ ގޮތުން ހިންގާ ހަރަކާތްތަކުގެ ތެރެއިން ބައެއް ކަމަށް ހެލްތް މިނިސްޓްރީން ބުނެފައިވެއެވެ.

ހެލްތް މިނިސްޓްރީން ބުނީ މި ދުވަސް ފާހަގަކުރުމުގެ މައިގަނޑު މަގްސަދަކީ އާންމުންގެ ހޭލުންތެރިކަން އިތުރުކޮށް، އަވަހަށް ފަރުވާ ފެށުމުގެ މުހިންމުކަން ފާހަގަކޮށް، އޯޓިޒަމް ހުންނަ ފަރާތްތަކާއި އެފަރާތްތަކުގެ އާއިލާތަކަށް ހިދުމަތް ދިނުމުގައި އާއި އެހީތެރިވެދޭ ނިޒާމުތައް ހަރުދަނާ ކުރުން ކަމަށެވެ. މިއަހަރުގެ ޝިއާރަކީ "ނިއުރޯޑައިވަރސިޓީ އާއި އދ. ގެ ދެމެހެއްޓެނިވި ތަރައްގީގެ ލަނޑުދަނޑިތައް ކުރިއެރުވުން" ކަމަށް ހެލްތް މިނިސްޓްރީން ބުނެފައިވެއެވެ.

ދުނިޔޭގެ އޯޓިޒަމް ހޭލުންތެރިކަމުގެ ދުވަސް ފާހަގަކުރުމަށްޓަކައި މިއަހަރު ހިންގާ ހަރަކާތްތަކުގެ ތެރޭގައި މީޑިއާ ކެމްޕެއިނެއް ހިންގުމާއި، މިދާއިރާގައި މަސައްކަތްކުރައްވާ ފަރާތްތަކުގެ މެދުގައި ޕެނަލް މަޝްވަރާކުރިއަށް ގެންދިއުމާއި، ގުޅުން ހުރި ދާއިރާތަކާއި އަދި ގުޅުންހުރި ފަންނީ ބޭފުޅުންނާއި އަދި އޯޓިޒަމްހުންނަ ފަރާތްތަކުގެ ބެލެނިވެރިންނާއި އެކު ރައުންޑް ޓޭބަލް މަޝްވަރާ ބައްދަލުވުން ބޭއްވުން ހިމެނެއެވެ. އަދި މީގެ އިތުރުން ސިއްހީ ހިދުމަތްދޭ ފަރާތްތަކަށް ހާއްސަ ތަމްރީން ޕްރޮގްރާމްތައް ވެސް ފަރުމާކޮށް ބޭއްވުމަށް ވަނީ ނިންމާފައެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް