
ޑްރަގު އެތެރެކުރަނިކޮށް އުމުރުން ދުވަސްވީ މީހަކު ހައްޔަރުކޮށްފި
މުހައްމަދު އާދަމް އަހްމަދު
04 އޭޕްރީލް 2025 - 11:22:10
ރާއްޖެއަށް ޑްރަގު އެތެރެކުރިކަމުގެ ތުހުމަތުގައި އުމުރުން ދުވަސްވީ މީހަކު ހައްޔަރުކޮށްފިއެވެ.
މި މައްސަލާގައި ހައްޔަރުކޮށްފައިވަނީ އުމުރުން 52 އަހަރުގެ ދިވެހި ފިރިހެނެކެވެ.
އޭނާ އަތުލައިގަތީ ބަލައި ދިޔަ ފޮށިގަނޑަކުން މަސްތުވާތަކެތި ފެނިގެންކަމަށް ފުލުހުން ބުނެެއެވެ. އެ ފޮށިގަނޑުން 800 ގްރާމަށް ވުރެ ގިނަ މަސްތުވާތަކެތި ފެނިފައިވާކަމަށް ފުލުހުން ބުނެއެވެ.
މީނާގެ މައްޗަށް ފުލުހުން ކުރަނީ މަސްތުވާތަކެތި އެތެރެ ކުރުމާއި، ޓްރެފިކް ކުރުމުގެ ތުހުމަތެވެ.
މީނާގެ ބަންދާއި މެދު ގޮތެއް ނިންމަން ކޯޓަށް ގެންދިޔުމުން ކޯޓުން ވަނީ 20 ދުވަހަށް ބަންދުގެ މުއްދަތު ޖަހާދީފައެވެ.
މީނާއަށް ތުހުމަތު ކުރެވޭ ކުށް ކުރިކަމަށް އެކަށީގެންވާ މިންވަރަށް ހެކި ހުށަހަޅާފައިވާކަމަށް ބަންދުގެ އަމުރުގައިވެއެވެ. އޭގެތެރޭގައި ތަހުގީގު ބަޔާންތަކާއި، އިތުރު ހެއްކާއި ގަރީނާ ހުރިކަން ބަންދުގެ އަމުރުގައި ފާހަގަކޮށްފައިވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް