މި މައްސަލައަކީ "ޕޮންނިޔިން ސެލްވަން 2" ފިލްމުގައި ހިމެނޭ "ވީރާ ރާޖާ ވީރާ" ލަވަ، އުސްތާދު ފައިޔާޒް ވަސިފުއްދީން ޑަގާގެ ބައްޕަ އަދި ބޮޑުބޭބެ ކޮމްޕޯސްކުރި "ޝިވަ ސްޓުޓީ" އިން ކޮޕީކޮށްފައިވާކަމަށް ބުނެ ހުށަހެޅުނު މައްސަލައެކެވެ.
ރަހުމާން ދިފާއުގައި ބުނެފައިވަނީ "ޝިވަ ސްޓުޓީ" އަކީ ޕަބްލިކް ޑޮމެއިންގައި ހިމެނޭ ޓްރެޑިޝަނަލް ދުރުޕަދް ކޮމްޕޮޒިޝަނެއް ކަމަށާއި، "ވީރާ ރާޖާ ވީރާ" އިންސްޕަޔާ ވެފައިވަނީ 13 ވަނަ ގަރުނުގެ ނަރާޔަނަ ޕަންޑިތާޗާރިޔާގެ މަސައްކަތަކުންކަމަށެވެ.
ނަމަވެސް ކޯޓުން މި ވާހަކަތައް ބަލައިނުގަނެ، ލަވައިގެ އޯރަލް އިމްޕެކްޓް އަދި ކޯ ހަމަ އެއްގޮތްކަމަށް ފާހަގަކޮށް، ރަހުމާނަށް އޮރިޖިނަލް މަސައްކަތް ކޮޕީ ކޮށްފައިވާކަމަށް ބުނެފައިވެއެވެ.
މި ނިންމުމުން ކޮޕީރައިޓް އެކްޓް 1957 ގެ ދަށުން އޮރިޖިނަލް ހިންދުސްތާނީ ކްލާސިކަލް ކޮމްޕޮޒިޝަންތައް ހިމާޔަތްކުރުމުގެ މުހިންމުކަން ފާހަގަކޮށްފައިވެއެވެ.
