ޕީއެސްއެމްއިން ގެނެސްދޭ އަހާ ފޯރަމްގައި މީހަކު ޝަރުއީ ދާއިރާއަށް ބަންޑާރަ ނައިބު އުޝާމް ނުފީޒު ފޯރުވާކަމަށް ކުރީގެ ފަނޑިޔާރު ހުސްނުއް ސުއޫދު ވިދާޅުވިކަމަށެވެ. އަދި އެފަދަ ކަމެއް ކުރެއްވިތޯ އެމީހާ ވަނީ ސުވާލު އުފައްދަވާފައެވެ،
އެ ސުވާލަށް ޖަވާބު ދެއްވަމުން ބަންޑާރަ ނައިބު އަހްމަދު އުޝާމް ވިދާޅުވީ ހުސްނުއް ސުއޫދަކީ ސިޔާސީ މީހެއްކަމަށާއި އޭނާ ދައްކާނީ ސިޔާސީ ވާހަކަކަމަށެވެ. އަދި ޝަރުއީ ދާއިރާއަށް ނުފޫޒު ފޯރުވަން ސުއޫދު މަސައްކަތް ކުރެއްވިކަމަށާއި އެކަމާއި ގުޅޭ ގޮތުން ވާހަކަ ވާހަކަ ދެއްކިކަމަށާއި އެހެން މީހުން މެދުވެރިކޮށް ރައީސް ޑރ. މުހައްމަދު މުއިއްޒަށް މެސެޖު ފޮނުވައިގެންވެސް އެކަން ކުރައްވަން ސުއޫދު މަސައްކަތް ކުރެއްވިކަމަށް އުޝާމް ވިދާޅުވިއެވެ.
ސުއޫދުގެ ވާހަކަ ދައްކަވަމުން އުޝާމް ވިދާޅުވީ އެއްވެސް ޒަމާނެއްގައި އެއްވެސް ތަނަކުން މި މައްސަލަ ތަހުގީގުކޮށްފި ކަމުގައި ވަނީ ނަމަ އޭނާއަށް ޖަވާބުދާރީ ވެވޭނެ ކަމަށެވެ. ބަންޑާރަ ނައިބު ވިދާޅުވީ އެމަނިކުފާނުވެސް އަދި ރައީސް ޑރ. މުހައްމަދު މުއިއްޒުވެސް ޝަރުއީ ދާއިރާއަށް އެއްވެސް ނުފޫޒެއް ފޯރުވާފައި ނުވާކަމަށެވެ.
