ދަ ޑިމޮކްރެޓްސް އިން ބުނީ ގުޅީފަޅުގެ ލޭންޑް ޔޫސް ޕްލޭނަށް އާންމު މަޝްވަރާއެއް ހިޔާލެއް ހޯދުމަކާނުލާ، ހިތުހުރި ބަދަލެއް ގެނެސް، ގެޒެޓުކޮށްފައިވާތީ އެކަން ކުށްވެރިކުރާ ކަމަށެވެ.
ދަ ޑިމޮކްރެޓްސް އިން ފާހަގަކުރި ގޮތުގައި ސިއްރިއްޔާތުގައި ތިބެ، މަޝްވަރާއެއް ނުހޯދާ، ހިތުހުރި ގޮތަކަށް އެކުލަވާފައިވާ ގުޅީފަޅުގެ އައު ލޭންޑް ޔޫސް ޕްލޭންގައި އާންމު ހުސް ޖާގަތަކާއި، ޕާކުތަކާއި، ކުޅިވަރު ދަނޑުތަކާއި، މައިދާންތަކާއި، ވިޔަފާރި ޖާގަތަކާއި، ސްކޫލް ހޮސްޕިޓަލް އަދި މިސްކިތްފަދަ ދުޅަހެޔޮ ރަށްވެހިކަމަކަށް ބޭނުންވާ ވަސީލަތްތައް އެކަށޭނަ ގޮތުގައި އެކަށޭނަ މިންވަރަށް ހިމަނާފައި ނެތެވެ. ދަ ޑިމޮކްރެޓްސް އިން ސަރުކާރަށް ގޮވާލަނީ ގުޅީފަޅުގެ ލޭންޑް ޔޫސް ޕްލޭނަށް އާންމު ހިޔާލާއި މަޝްވަރާ ހޯދުމަށެވެ. ހާއްސަކޮށް މާލެ ސިޓީ ކައުންސިލާއި، ގުޅީފަޅު ރަށްވެހިންގެ ޖަމްއިއްޔާފަދަ ސްޓޭކްހޯލްޑަރުންގެ ލަފާ ހޯދުމަށެވެ.
