އިއްޔެ ހަވީރުގެ ވަގުތެއްގައި ޝެއިހް ފަރީދު އަވަހާރަވީ މެލޭޝިއާގައި އޮތް ބައްދަލުވުމުކަަށް އެގައުމަށް ވަޑައިގެން އެއާޕޯޓަށް ފަބައިވަޑައިގެންތާ މާ ގިނައިރުތަކެއް ނުވަނީސްއެވެ. ފަރީދު މެލޭޝިއާއަށް ވަޑައިގަތީ އެގައުމުގައި ދަރުސެއް ދެއްވުމަށެވެ.
ފަރީދު ވަކިވެގެން ދިޔުމުން ފަރީދު ދަރިފުޅު އަބްދު ﷲ ފަރީދު (އަބޯ) ވަނީ އޭނާގެ ފޭސްބުކްގައި އަސަރު ގަދަ ޕޯސްޓެއް ދޫކޮށްލާފައެވެ. ބައްޕަގެ ކުުއްލި ވަކިވުމާއި ގުޅޭގޮތުން އަބޯ ކުރި ޕޯސްޓްަގައި ބުނީ ބައްޕަ ވަކިވެގެން ދިޔައީ ފުރަތަމަ ކާފަ ދަރިފުޅު އުރާލުމުގެ ފުރުސަތުވެސް ނުލިބިކަމަށެވެ.
އަބްދު ﷲ ބުނީ ކުޑަ ދަރިފުޅާއި އެކު ހުއްޓާ އައީ އޭނާގެ މަންމަގެ އަސަރުގަދަ ކޯލެކެވެ. މަންމަ ރޮމުން އެދުނީ ބައްޕަގެ ހާލު ބަލާދިނުމަށްކަމަށް އަބްދު ﷲ ބުނިއެވެ.
ފަރީދުގެ ޖަނާޒާ މެލޭޝިޔާގައި ބޭއްވުމަށް އާއިލާއިން ވަނީ ނިންމާފައެވެ.
