ބީއެމްއެލްގެ ހެޑް އޮފް ބްރޭންޑް އެންޑް މާކެޓިން ސްޓެރެޓެޖީ މުހައްމަދު ސައީދު ވިދާޅުވެފައިވަނީ، ކަސްޓަމަރުންނަށް ރައްކާތެރިކަމާއެކު ވީހާވެސް އަވަހަކަށް ކާޑު ހަވާލުކުރުމަކީ އެ ބޭންކުން އިސްކަން ދޭ ކަމެއް ކަމަށެވެ.
ސައީދު ވިދާޅުވި ގޮތުގައި ކަސްޓަމަރުންނަށް ކާޑު ހަވާލުކުރުމުގައި ދިމާވާ އެންމެ ބޮޑު ގޮންޖެހުމަކީ ކަސްޓަމަރުން ކާޑު ޑެލިވަރކުރަން ޖަހާފައިވާ މެއިލިން އެޑްރެހުގައި ދިރިނޫޅުމެވެ.
ކާޑުގެ ރައްކާތެރިކަން ކަށަވަރުކުރުމުގެ ގޮތުން ކާޑު ކަސްޓަމަރަށް ހަވާލުކުރުމާ ހަމައަށް، ކާޑު އެކްޓިވޭޓެއް ނުވާނެ ކަމަށާއި ކާޑު އެކްޓިވޭޓް ކުރެވޭނީ ހަމައެކަނި އެ ކަސްޓަމަރަކަށް ކަމަށް ސައީދު ވިދާޅުވިއެވެ. މީގެ އިތުރުން، މާލޭ ސަރަހައްދުގައި މިބަދަލު ގެނައި ނަމަވެސް އަތޮޅު ތެރޭގައި ކަސްޓަމަރުންނަށް ކާޑު ހަވާލުކުރަމުން ދާނީ ބީއެމްއެލްގެ މުވައްޒަފުން ކަމަށްވެސް ބޭންކުން ބުންޏެވެ.
