މި ބައްދަލުކުރެއްވުމުގައި ރައީސް ވަނީ ސިންގަޕޫރްގައި ދިރިއުޅޭ އާއިލާތަކާ ވަކިވަކިން ބައްދަލުކުރައްވާ އެ އާއިލާތަކާއެކު ވަގުތުކޮޅެއް ހޭދަކުރައްވާފަ އެވެ. އަދި އާޢިލާތަކާއެކު ރައީސްގެ ދެކަނބަލުން ވަނީ ފޮޓޯ ނަންގަވާފަ އެވެ.
ރައީސް އޮފީހުން ހިއްސާކުރި ފޮޓޯއިން ފެންނަ ގޮތުގައި، މި ބައްދަލުކުރެއްވުމުގައި އަނބިކަނބަލުން ސާޖިދާ މުހައްމަދާއި ޑިފެންސް މިނިސްޓަރު ޣައްސާން މައުމޫން ވަނީ ބައިވެރިވެ ވަޑައިގެންފައެވެ.
ރައީސް ސިންގަޕޫރަށް ކުރައްވާ ދަތުރުފުޅަކީ އެ ގައުމުގެ ރައީސް ތަރުމަން ޝަންމުގަރަތުނަމްގެ ދައުވަތަކަށް ކުރައްވާ ހަތަރު ދުވަހުގެ ދަތުރުފުޅެކެވެ. އެ ދަތުރުފުޅުގައި ރައީސްގެ އަރިހުގައި މަތީފަންތީގެ ސަރުކާރުގެ ވަފުދެއް ބައިވެރިވެރިވަޑަގެންނެވި އެވެ.
ރައީސްގެ ދެކަނބަލުން ސިންގަޕޫރަށް ކުރައްވާ ރަސްމީ ދަތުރުފުޅަކީ، އެ ގައުމުގެ ރައީސްގެ ހާއްސަ ދައުވަތަކަށް ކުރެއްވި ދަތުރުފުޅެކެވެ. ރައީސް އަންނަނީ އެމަނިކުފާނު ރާއްޖެއިން ބޭރަށް ކުރައްވާ ރަސްމީ ދަތުރުފުޅުތަކުގައި، އެ ގައުމުތަކުގައި ދިރިއުޅޭ ދިވެހީންނާ ބައްދަލުކުރައްވަމުންނެވެ.
