
އެމްއެމްސީން މިއަދު ކުރި އިއުލާނެއްގައި ބުނެފައިވަނީ، މި އަހަރުގެ ނޫސްވެރިކަމުގެ އިނާމަށް ނަން ހުށަހެޅުމުގެ ފުރުސަތު މިއަދުން ފެށިގެން ހުޅުވާލާފައިވާ ކަމަށެވެ.
މިފަހަރުގެ އިނާމަށް ނޫސްމަޖައްލާ އަދި އޯޑިއޯ ވީޑިއޯ ޖާނަލިޒަމް ކެޓަގަރީން 14 ދާއިރާއަކަށް ކުރިމަތިލެވޭނެއެވެ. މި ދާއިރާތަކުގެ ތެރޭގައި ތަހުގީގީ ނޫސްވެރިކަން، އިޖުތިމާއީ ދާއިރާ، ސިޔާސީ ދާއިރާ، ޝަރުއީ އަދި ގާނޫނީ ދާއިރާ އަދި އަހަރުގެ އެންމެ މޮޅު ނޫސްވެރިޔާގެ އިނާމު ހިމެނެއެވެ. އިނާމަށް ކުރިމަތިލާ ނޫސްވެރިން މިދިޔަ އަހަރު މީޑިއާއެއްގައި ނޫސްވެރިއެއްގެ ގޮތުގައި މަސައްކަތްކޮށްފައިވާކަން ކަށަވަރުކުރުމަށް މީޑިއާއަކުން ދޫކޮށްފައިވާ ރަސްމީ ލިޔުމެއް ފޯމާއެކު ހުށަހަޅަން ޖެހޭނެއެވެ.
އެމްއެމްސީން ބުނީ އިނާމަށް ކުރިމަތިލުމުގެ މުއްދަތު ހަމަވާނީ މި މަހުގެ 31 ވަނަ ދުވަހުގެ މެންދުރު ފަހު 1:00 އަށް ކަމަށާއި، ފޯމު ހުށަހަޅަން ޖެހެނީ އޮންލައިންކޮށެވެ. މީޑިއާ ކައުންސިލުން 2014 ވަނަ އަހަރުން ފެށިގެން ކޮންމެ އަހަރަކު ވެސް ނޫސްވެރިކަމުގެ އިނާމު ދެމުން ގެންދެއެވެ.