ކައުންސިލްތަކަށް ބްލޮކްގްރާންޓް ދިނުމުގެ އުސޫލާ ގުޅޭގޮތުން މިރޭ އެކްސްގައި ކުރެއްވި ޕޯސްޓެއްގައި ރައީސް ވިދާޅުވީ، މިހާރު އުސޫލު ހަދައިފައި އޮތް ގޮތުން އާބާދީ ކުޑަ ރަށްރަށުގެ ކައުންސިލުތަކަށް ބްލޮކްގްރާންޓް ލިބޭ މިންވަރު މަދު ކަމަށެވެ.
ނަމަވެސް އާބާދީ ކުޑަ، ބިން ބޮޑެތި ރަށްތައް ހުންނައިރު، އެފަދަ ރަށްރަށުގައި ކުރަންޖެހޭ މުނިސިޕަލް މަސައްކަތްތައް މަދުނޫންކަމަށް ރައީސް ވިދާޅުވި އެވެ.
ކައުންސިލްތަކަށް މިހާރު ދޫކުރާ ބްލޮކްގްރާންޓު ކުޑަވުމުގެ ޝަކުވާ ވަރަށް ގިނަ ކައުންސިލުތަކުން ކުރެއެވެ. އެއިން މުސާރައާއި އެ ނޫން މުނިސިޕަލް ހިދުމަތްތަކަށް ހޭދަކުރުމަށްފަހު ފައިދާވާ ފަދަ މަސައްކަތެއް ކުރަން ފައިސާ ނުހުންނަ ކަމަށް ގިނަ ރަށު ކައުންސިލްތަކުން ބުނެއެވެ.
އަންނަ އަހަރުގެ ބަޖެޓު ފާސް ކުރުމުގެ ކުރިން، އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކަށް ލިބޭ ފައިސާގެ އަދަދު ބޮޑު ކުރައްވާނެ ކަމަށް ވެސް މުއިއްޒު ވިދާޅުވި އެވެ.
