އެގޮތުން "ދުރަންދަރު" އަދި "ކިސް ކިސް ކޯ ޕިޔާރު ކަރޫން 2" ފަދަ ފިލްމުތަކާ އެކު ސިނަމާތަކަށް ބޮޑު ފޯރިއެއް އަންނާނެ ކަމަށް ބެލެވެ އެވެ.
މި ފަހަރުގެ ޑިސެމްބަރު މަހު ބެލުންތެރިންނަށް ފެނިގެންދާނީ ހަމައެކަނި ލޯބީގެ ވާހަކަތަކެއް ނޫނެވެ. އޭގެ ބަދަލުގައި އެކްޝަން، ގައުމީ ލޯބި އަދި ތަފާތު ޝުއޫރުތައް އެކުލެވޭ ފިލްމުތައް ހިމެނެ އެވެ. މި ފިލްމުތަކުގައި ހިމެނޭ މަޝްހޫރު ތަރިންނާއި، މިހާރު ވެސް ސޯޝަލް މީޑިއާގައި ވައިގައި ހިފާފައިވާ ލަވަތަކާ އެކު ބެލުންތެރިން ތިބީ މި ފިލްމުތައް ބަލާލުމަށް ކެތްމަދުވެފަ އެވެ.
ބޮލީވުޑްގެ ފިލްމުތަކަށް ލޯބިކުރާ ފަރާތްތަކަށް މިއީ ވަރަށް ޝައުގުވެރި މަހަކަށް ވާނެ އެވެ. ތަފާތު ރަހަތަކުގެ ފިލްމުތަކާ އެކު، އަންނަ ޑިސެމްބަރު މަހު ހިންދީ ސިނަމާގައި ބޮޑެތި ފިލްމުތަކެއް ރިލީޒްކުރަން ހަމަޖެހިފައިވާއިރު، މިއީ ފިލްމީ ދާއިރާގައި ފާހަގަކޮށްލެވޭނެ މަހެއް ކަމަށް ގިނަ ބަޔަކު ގަބޫލުކުރެ އެވެ.
