"ސީއެންއެމް" އާއި ވަހަކަ ދައްކަވަމުން މިފްކޯގެ ސީނިއާ މެނޭޖަރު (ޕީއާރު) ޝިފްޒާ މުސްތަފާ ވިދާޅުވީ މަސްވެރިކަމުގެ ހާލަތަށް ބަލައި، އާންމުންނަށް ބޭނުންވާ މިންވަރަށް މަސް ފޯރުކޮށްދިނުމަށް އެ ކުންފުނިން ދުރާލައި ވަރަށް ފުރިހަމައަށް އެ ކުންފުނިން ތައްޔާރު ވެފައިވާ ކަމުގައި އެވެ.
އޭނާ އިތުރަށް ފާހަގަ ކުރެއްވި ގޮތުގައި ކުރިއަށް އޮތީ ރޯދަމަސް ކަމަށް ވުމުން މަސް ލިބެން ދަތި ވެއްޖެ ހާލަތެއްގައި ރައްޔިތުން އުފަލަން ޖެހޭނެ ތަކުލީފު ވިސްނޭ ކަމަށާއި މިފްކޯގެ ފިހާރަތަކާއި ސެންޓަރުތަކުން ރޯމަސް (ގަނޑުކުރި މަސް) ދަތިކަމެއް ނެތި ރައްޔިތުންނަށް ލިބޭނެ ކަމުގަ އެވެ.
މިފްކޯއަށް މަސްކިރުވި މިންވަރަށްމިދިޔަ ޑިސެމްބަރު މަހު އެވްރެޖްކޮށް ދުވާލަކު 242 ޓަނުގެ މަސް ކިރުވާފައި ވިޔަސް، ޖެނުވަރީމަހު އެ އަދަދު ވަނީ 93 ޓަނަށް ވެއްޓިފައިވާ ކަމަށާއި މި މަހުގެ މިހާތަނަށް މިފްކޯއަށް ކިރުވާފައި ވަނީ އެވްރެޖްކޮށް ދުވާލަކަށް 58 ޓަނުގެ މަސް ކަމަށް، ސިފްޒާ ސީއެންއެމް އަށް މައުލޫމާތު ދެއްވި އެވެ.
ރޯދަ މަހަކީ އާންމުކޮށް ގިނަ ބަޔަކު ކަނޑު މަސް ބޭނުން ކުރާ މަހެއްކަމަށް ފާހަގަ ކޮށްލެވެ އެވެ. އަދި ބައެއް އަހަރު ތަކުގައި ކަނޑުމަސް ލިބެން ދަތި ވުން އެއީ އާންމުކޮށް ދިމާވާ ވަރަށް ބޮޑު މައްސަލަ އެެކެވެ.
