ސްރީލަންކާގެ ކޮމިޝަނާ ޖެނެރަލް އޮފް އެސެންޝަލް ސާވިސަސް، ޕްރަބާތު ޗަންދްރަކީރްތީ މިއަދު ބޭއްވި ނޫސްވެރިންގެ ބައްދަލުވުމެއްގައި ވިދާޅުވީ، މި ނިންމުމަށް އަމަލުކުރަން ފަށާނީ އަންނަ ބުދަ ދުވަހުން ފެށިގެން ކަމަށެވެ.
މި ފިޔަވަޅުތައް އަޅަން ނިންމާފައިވަނީ، އެމެރިކާ އާއި އިޒްރޭލުން އީރާނާ ދެކޮޅަށް ކުރަމުންދާ ހަނގުރާމައާ ގުޅިގެން، ދުނިޔޭގެ ތެލުގެ ޝިޕްމަންޓްތަކުގެ ގާތްގަނޑަކަށް %20 ދަތުރުކުރާ މަގު ކަމަށްވާ ހޮރްމޫޒް ކަނޑުއޮޅި އީރާނުން ބަންދުކުރުމާ ގުޅިގެންނެވެ.
މި ދަތިތައް ދިގުލައިގެން ހިނގައިދާނެ ކަމަށް ތައްޔާރުވުމަށް ރައީސް ދިސާނަޔަކަ ވަނީ އޮފިޝަލުންނަށް އިރުޝާދު ދެއްވާފަ އެވެ.
ލަންކާގައި މިހާރު ވަނީ ތެޔޮ ވެސް ކޮންމެ ވެހިކަލަކަށް ވަކި މިންވަރަކަށް ވިއްކަން ފަށައިފަ އެވެ. މިހާރު ކަނޑައަޅާފައިވަނީ އާންމު ވެހިކަލަކަށް ހަފްތާއަކު 15 ލިޓަރު އަދި ޕަބްލިކް ޓްރާންސްޕޯޓްގައި ބޭނުންކުރާ ވެހިކަލްތަކަށް ހަފްތާއަކު 200 ލިޓަރެވެ.
އޮފިޝަލުން ބުނީ އެ ގައުމުގެ ޕެޓްރޯލް އަދި ޑީސަލް ރިޒާވްގައި ހަ ހަފުތާއަށް ވާ ވަރަށް ހުންނާނެ ކަމަށާއި ނަމަވެސް ސަޕްލައިއަށް އިތުރަށް ބުރޫ އަރައިފި އަރައިފި ނަމަ ވަރަށް ބޮޑަށް ނޭދެވޭ އަސަރުކުރާނެ ކަމަށެވެ.
ދުނިޔޭގެ ބާޒާރުގައި ތެލުގެ އަގު 25 އިންސައްތައާއި 30 އިންސައްތައާ ދެމެދުގެ މިންވަރަކަށް އުފުލިފައިވާއިރު، މިކަމުގެ އަސަރު ދިވެހިރާއްޖެއަށްވެސް ދަނީ ކުރަމުންނެވެ. ރާއްޖޭގެ އިކޮނޮމިކް މިނިސްޓަރު މުހައްމަދު ސައީދު ވިދާޅުވެފައިވަނީ ރާއްޖެއަށް ތެލުގެ ދަތިކަމެއް ކުރިމަތިނުވާނެ ކަމަށާއި ސަޕްލައި ޔަގީންކުރުމަށް ސަރުކާރުން ފިޔަވަޅުތައް އަޅަމުންދާ ކަމަށެވެ.
