ވޯޓާސް ލިސްޓުގައި ސޮއިކުރުމުގެ ކަންކަން މެދުކަނޑާލީ، ފުލޫނިޔާމަގުން، މ. ކައިރުގޭގައި ހުންނަ ޕްރައިމް ގޯޑައުންގަ ރޭ ހިނގި އަލިފާނުގެ ހާދިސާއާ ގުޅިގެންނެވެ. އެ ހާދިސާއާ ގުޅިގެން، އެތަނާ ޖެހިގެން ހުންނަ އިލެކްޝަންސް ކޮމިޝަން (އީސީ)ގެ އިދާރީ ހުރިހާ މަސައްކަތްތަކެއް ކުރާ އިންތިހާބީ މަރުކަޒު މިހާރު ވަނީ ހުސްކޮށްފަ އެވެ.
އެ ކޮމިޝަނުން ސޯޝަލް މީޑިއާގައި މިއަދު ކުރި ޕޯސްޓުގައި ބުނީ ލިސްޓުގައި ސިޔާސީ ޕާޓީތަކުންނާއި ކެންޑިޑޭޓުން ސޮއިކުރަން ސޯޝަލް ސެންޓަރުގައި ފަށާފައިވާ ކަމަށެވެ.
އަންނަ މަހުގެ 4 ގައި ތިން ވޯޓެއް ނަގަން ހަމަޖެހިފައިވެ އެވެ. އެއީ ލޯކަލް ކައުންސިލް އިންތިހާބުގެ ވޯޓާއި އަންހެނުންގެ ތަރައްގީ އަށް މަސައްކަތްކުރާ ކޮމިޓި އަށް މެންބަރުން ހޮވުމުގެ އިތުރުން ރިޔާސީ އިންތިހާބާއު މަޖިލިސް އިންތިހާބުގައި އެއް ދުވަހެއްގައި ބާއްވަން ފެނޭތޯ ނަގާ ވޯޓެވެ.
