އެ މައްސަލަ ސުޕްރީމް ކޯޓަށް ހުށަހެޅީ ކައިޒީންގެ ފަރާތުންނެވެ. ސުޕްރީމް ކޯޓުގައި މި މައްސަލަ ބަލާނީ ފަނޑިޔާރު ޢާއިޝާ ޝުޖޫން މުޙައްމަދު، ފަނޑިޔާރު ޢަބްދުﷲ ޙަމީދު، ފަނޑިޔާރު މުޙައްމަދު ސަލީމްގެ މައްޗަށް އެކުލެވޭ ބެންޗަކުންނެވެ.
މިއީ، ބޯޓެއްގެ މިލްކުވެރިކަމާ ބެހޭ ގޮތުން ކައިޒީންއާއި އޭނާގެ ބައްޕައާ ދެމެދު ޖެހިގެން އުޅޭ މައްސަލައެކެވެ. މި މައްސަލައިގައި ސިވިލް ކޯޓުން ކުރި ހުކުމާ މެދު ހިތްހަމަ ނުޖެހިގެން އެ ހުކުމް ހައިކޯޓަށް ހުށަހެޅީ ކައިޒީންގެ ފަރާތުންނެވެ. ހައިކޯޓުން ކާމިޔާބު ނުވުމުން ސުޕްރީމް ކޯޓަށް ހުށަހެޅީއެވެ.
