ލޯކަލް ކައުންސިލްތަކާއި އަންހެނުންގެ ކޮމިޓީތައް އަދި ހިޔާލު ހޯދުމުގެ ވޯޓުލާން ފެށީ މިއަދުގެ ހެނދުނު 8:00 ގަ އެވެ.

ކުރިން އީސީން ނިންމާފައި އޮތީ ހަވީރު 4:00 ގައި ވޯޓުލުން ނިންމާލުމަށެވެ. އިތުރު ވަގުތު ނުދޭނެ ކަމަށް އޭރު އީސީން ބުންޏެވެ.

އެކަމަކު އީސީން ފަހުން ވަނީ ހޫނުގަދަވެ، ކިއު ދިގުވެ ގިނަބަޔަކަށް ވޯޓުލުމަށް ދަތިވެފައިވާތީ، ވޯޓުލުމުގެ ވަގުތު ހަވީރު ފަހެއް ޖެހުމާ ހަމައަށް އިތުުރު ކޮށްފައިވެ އެވެ. 

ނަމަވެސް މިހާރު ހުރިހާ މަރުކަޒެއްގައި ވެސް ވަނީ ކިއުތައް ބަންދުކޮށްފަ އެވެ. ނަމަވެސް 17:00 އާ ހަމައަށް ކިޔޫގައި ތިބި މީހުންނަށް ވޯޓް ލެވޭނެ އެވެ. އެއަށްފަހު ވޯޓް ފޮށި ބަންދު ކުރާނެ އެވެ. 17:00 އާ ހަަމައަށް ކިޔޫގައި މީހަކު ނެތް ފޮށިތައް އެ ވަގުތުން ފެށިގެން ބަންދު ކުރާނެ ކަމަށް އީސީން ބުނެއެވެ. 

އިލެކްޝަންސް ކޮމިޝަނުގެ އެންމެ ފަހުގެ ތަފާސްހިސާބުތަކުން ދައްކާގޮތުގައި، މިއަދު 16:00އާ ހަމައަށް 185،709 މީހުން ވޯޓުލައިފައިވެ އެވެ. އެއީ ވޯޓުލެވޭ 63 އިންސައްތަ އެވެ.