އިންތިހާބުގެ ވަގުތީ ނަތީޖާ ދައްކާގޮތުން ކައުންސިލް އިންތިހާބުން މާލޭ ސިޓީ ހިމެނޭހެން ހުރިހާ ސިޓީއެއްގެ މޭޔަރުކަމާއި ސިޓީ ކައުންސިލްތަކުގެ މެޖޯރިޓީއާއި އަންހެނުން ތަރައްްގީއަށް މަސައްކަތްކުރާ ކޮމެޓީތަކުގެ ރައީސްއާ އެ ކޮމެޓީގެ މެޖޯރިޓީތައް ނަގާފައިވަނީ އިދިކޮޅު އެމްޑީޕީންނެވެ. އަދި ގިނަ ކައުންސިލްތަކުގެ ރައީސްކަމުގެ މަގާމުވެސް ނަގާފައިވަނީ އިދިކޮޅު އެމްޑީޕީއާ އަމިއްލަ ކެންޑިޑޭޓުންނެވެ.
އިންތިހާބުގައި ވެރިކަން ހިންގާ ޕީއެންސީއަށް 43 އިންސައްތަ ވޯޓް ލިބުނުއިރު އިދިކޮޅު އެމްޑީޕީއަށް ވަނީ 40 އިންސައްތަ ވޯޓް ލިބިފައެވެ.
ރައްޔިތުން މަޖިލީހުގެ އިންތިހާބާއި ރިޔާސީ އިންތިހާބު އެއްކޮށްލަން ސަރުކާރުން ނެގި ވޯޓްގައިވެސް ސަރުކާރަށް ވަނީ ބޮޑު ނާކާމިޔާބީއެއް ލިބިފައެވެ. ދެ އިންތިހާބު އެއްކުރަން ނުފެންނަކަމަށް 69 އިންސައްތަ މީހުން ވަނީ ވޯޓް ދީފައެވެ.
އަލަށް ހޮވުނު ކައުންސިލަރުންގެ ހުވާކުރުން އަންނަމަހުގެ 17 ވަނަ ދުވަހު ބާއްވާނެކަމަށް ލޯކަލް ގަވާމަންޓް އޮތޯރިޓީ (އެލްޖީއޭ) އިން އިއްޔެ ވަނީ ބުނެފައެވެ.
