މި އަހަރުގެ ރިޔާސީ ބަޔާން ރައީސް ޑރ. މުހައްމަދު މުއިއްޒު އިއްވަވާފައިވަނީ މިދިޔަ ފެބްރުއަރީ މަހުގެ 5 ވަނަ ދުވަހު ބޭއްވި މަޖިލީހުގެ މިއަހަރުގެ ފުރަތަމަ ދައުރުގެ ފުރަތަމަ ޖަލްސާގައެވެ.
މިއަދުގެ މަޖިލީހުގައި މައިނޯރިޓީ ޕާޓީ އެމްޑީޕީން ވަނީ ޖަވާބުދާރީވެފައެވެ. އެމްޑީޕީގެ ފަރާތުން ބަޔާނަށް ޖަވާބުދެއްވީ އެޕާޓީގެ ޕާލިމެންޓަރީ ގްރޫޕްގެ ލީޑަރު ހިތަދޫ ދެކުނު ދާއިރާގެ މެމްބަރު އިބްރާހީމް ނާޒިލް އެވެ. ރިޔާސީ ބަޔާނަށް ޖަވާބުދެއްވަމުން ނާޒިލް ވިދާޅުވީ މި ބަޔާނުގައި ގާނޫނުއަސާސީގެ 84 ވަނަ މާއްދާގައިވާ ޝަރުތުތައް ފުރިހަމަ ނުވާކަމަށެވެ. އެގޮތުން ގައުމުގެ ހާލަތު ބަޔާންކޮށްދެވިފައި ނުވާކަށާއި ގައުމުގެ ހާލަތު އިތުރަށް ރަނގަޅުކުރުމަށްޓަކައި ކުރަންޖެހޭ ކަމަށް ރައީސުލްޖުމްހޫރިއްޔާއަށް ފެންނަ ކަންތައްތައްވެސް ބުނެދެވިފައި ނުވާކަމަށެވެ. ނާޒިލް ވިދާޅުވީ މި ބަޔާނަކީ މި ވެރިކަމުގެ ނިމިދިޔަ ދެ އަހަރު ރައީސް މުއިއްޒު ދެއްވި ރިޔާސީ ބަޔާންތަކުގެ ކުލަ ނެތް ކޮޕީއެއްކަމަށެވެ.
