ރައްޔިތުން މަޖިލީހުގެ މެމްބަރަކު ކުރެއްވި ސުވާލަކަށް ޖަވާބުދެއްވަމުން މުއްތަލިބް ވިދާޅުވީ ގިރާވަރު ފަޅުން 169 ހެކްޓަރު ހިއްކަން ނިންމާފައި އޮތްނަމަވެސް މިދިޔަ ސަރުކާރުގެ ވެރިކަން ނިންމި 2023 ގެ ޑިސެމްބަރުގެ ނިޔަލަށް ހިއްކުނީ 54 ހެކްޓަރުގެ ބިންކަމަށެވެ.
އޭގެ ފަހުން އެ މަސައްކަތް ކުރި ކުންފުނި ބަދަލުކޮށް މިހާރު އެ މަސައްކަތް އެއާޕޯޓްސް ކޮމްޕެނީއާ ހަވާލުކޮށް އެ ކުންފުނިން ގިރާވަރުފަޅު ހިއްކުމުގެ މަސައްކަތް މިއަހަރުގެ ޖެނުއަރީ 31 ގައި ފަށާފައިވާކަމަށް މިނިސްޓަރު މުއްތަލިބް ވިދާޅުވިއެވެ. އަދި މިމަހުގެ 9 ވަނަދުވަހުގެ ނިޔަލަށް 44 ހަތަރު ހެކްޓާރު ހިއްކާ މިހާރު ޖުމްލަ 97 ހެކްޓަރު ބިން ގިރާވަރު ފަޅުން ހިއްކާ ނިންމާފައިވާކަމަށް މިނިސްޓަރު މުއްތަލިބު ވިދާޅުވިއެވެ. މިއަހަރުގެ މޭ މަހުގެ 31 އަށް ގިރާވަރުފަޅު ހިއްކާ ނިންމާ ރެޖިސްޓްރީދޫކޮށް ބިން ހަވާލުކުރަން ފަށާނެކަމަށް މިނިސްޓަރު މުއްތަލިބް ވިދާޅުވިއެވެ.
ގިރާވަރުފަޅުން ހިއްކާފައިވާ ސަރަހައްދު
މިނިސްޓަރު ވިދާޅުވީ ކުރީ ސަރުކާރުން ގިރާވަރުން 5000 ގޯތި ދޫކުރުމަށް ނިންމާފައިވާކަމަށެވެ. އެހެންނަމަވެސް ތިލަފުށި ޕޯޓް އެ ސަރަހައްދަށް ބަދަލުވާތީ އެތަނުން 1115 ގޯތި ގުޅިފަޅަށް ބަދަލުކޮށް އެމީހުންނާއިވެސް މިހާރު ރެޖިސްޓްރީ ހަވާލުކޮށް ނިންމާފއިވާކަމަށެވެ.
