އެނގިގައިވާ ގޮތުގައި މިއީ، މާލޭން ދެކުނުގެ ރަށެއްގައި ހިނގައިގެން އުޅޭ ހާދިސާއެކެވެ.
އެ އަންހެން ކުއްޖާ ބަލިވެއިންކަން، ކަށަވަރުވެފައި ވާއިރު، އެކަން މިހާރުވަނީ ރަސްމީކޮށް، ޖެންޑާ މިނިސްޓްރީއަށާއި، ފުލުހުންނަށް ރިޕޯޓްކޮށްފަ އެވެ. އަދި ސްކޫލަށް އެ މައުލޫމާތު ލިބުމާއެކު ރަސްމީކޮށް އެ މައުލޫމާތު އެޑިއުކޭޝަން މިނިސްޓްރީއަށް ވެސް ހިއްސާކޮށްފައިވާ ކަމުގެ މައުލޫމާތު ވަނީ ލިބިފައެވެ.
އެނގިފައިވާ ގޮތުގައި އެކުއްޖާއަކީ ގްރޭޑް 11 ގައި ކިޔަވާ އަންހެން ދަރިވަރެކެވެ. ބަލިވެ އިނދެ އެކުއްޖާ ވަނީ ސްކޫލަށްވެސް ގޮސްފަ އެވެ. އެއީ އެ ރަށު ސްކޫލްގައި އާދަޔާ ހިލާފަށް މޮޅު، ކިޔެވުމުގައި ފާހަގަކުރެވޭ ދަރިވަރެއް ކަމަށް ވެ އެވެ.
ފުލުހުން މިރޭ ބުނީ ދެކުނުގެ ރަށެއްގައި، ޑޮކްޓަރަށް ދެއްކި 17 އަހަރުގެ ކުއްޖަކު ބަލިވެ އިން މައްސަލަ އެއް މިމަހުގެ 13 ވަނަ ދުވަހު ފުލުހަށް ރިޕޯޓު ކޮށްފައިވާ ކަމަށެވެ.
