ދައުލަތުން ފިޔާޒާއި ހަސަންގެ މައްޗަށް އުފުލި ދައުވާއަށް އެ ދެމީހުން އިންކާރުކުރުމުން، ދައުލަތުން ވަނީ އެ ދެ ނޫސްވެރިންނާ ދެކޮޅަށް ހެކި ހުށަހަޅައިފައެވެ. އަދި ދިފާއުގައި ހެކި ހުށަހަޅަން ފިޔާޒާއި ހަސަންއަށް ފުރުސަތު ކޯޓުން ވަނީ ދީފައެވެ.
ސީދާ ގޮތުންވެސް އަދި ނުސީދާ ގޮތުންވެސް މި ޝަރީއަތާ ގުޅޭ މައުލޫމާތު އާންމު ނުކުރަން އަންގާ ކްރިމިނަލްކޯޓުން ވަނީ އެންމެންގެ މައްޗަށް ގެގް އޯޑަރެއް ކުރިން ނެރެފަ އެވެ. އެހެންވެ،
އެ އަމުރާ ހިލާފުވި ކަމަށް ބުނެ މިދިޔަ މޭ މަހު 12 ގައި އެ ކޯޓުން ވަނީ އަދަދު ނޫހުގެ ދެ ނޫސްވެރިންކަމަށްވާ ލީވާން އަލީ ނަސީރު 10 ދުވަހަށް އަދި، މުހައްމަދު ޝަހްޒާން 15 ދުވަހަށް ޖަލަށް ލާފައެވެ. ދެ ނޫސްވެރިން ވެސް މިހާރު ވަނީ މުއްދަތު ހަމަވުމުން މިނިވަންވެފައެވެ.
