ރައީސް މުއިއްޒު މިހެން ވިދާޅުވީ ދ. މީދޫ ކައުންސިލްގެ ހުރިހާ ގޮނޑިއެއް ވެރިކަންކުރާ ޕީއެންސީއަށް ލިބުމުން އެކަން ފާހަގަކުރަން ރޭ އެރަށުގައި ބޭއްވި ޖަލްސާގައި ވާހަކަ ދައްކަވަމުންނެވެ.
ރައީސް ވިދާޅުވީ މި ސަރުކާރުން ހިންގާ ތަރައްގީގެ މަޝްރޫއުތައް މަޑުޖެހިފައިވަނީ މެދުއިރުމަތީގެ ހަނގުރާމަތަކާ ގުޅިގެން ތެލުގެ އަގުބޮޑުވުމާއި، ކޮންސްޓްރަކްޝަން ސާމާނު ގެނައުމުގައި ދިމާވި ދަތިތަކުގެ ސަބަބުންކަމަށެވެ. އެހެންނަމަވެސް މި ހަފްތާގައި ކެބިނެޓްގައި މަޝްވަރާކޮށް ހުރިހާ މަޝްރޫއުތަކެއް ކުރިއަށްގެންދާނެ ތަރުތީބު މިހާރު ފައިނަލްކޮށް ނިންމާފައިވާކަމަށް ރައީސް މުއިއްޒު ވިދާޅުވިއެވެ. އަދި މިސާރުކާރުން ކުރިޔަށް ގެންދާނެ މަޝްރީއުތަކުގެ އަދަދު 2000 އިން މައްޗަށް އަރާކަމަށްވެސް އެމަނިކުފާނު ވިދާޅުވިއެވެ.
ރައީސް ވިދާޅުވީ ސަރުކާރުން މަޝްރޫއުތައް ހިންގަމުން ގެންދަނީ ދަރަނިތައް އަދާކުރަމުން ކޭޝްފްލޯ މެނޭޖްކުރެވޭނެ ފަދަ ތާވަލެއްގެ ދަށުން ކަމަށެވެ.
