އެމްއައިބީއިން ބުނީ ނީލަން ކިޔަން ނިންމާފައިވާ "މއ. ކުދިމަގޫގެ" އަކީ 830 އަކަފޫޓުގެ ބިމެއް ކަމަށެވެ. އެ ގެ ވިއްކަން ނީލަން ހުށަހެޅުމުގެ ސުންގަޑިއަކީ އަންނަ އޮގަސްޓު މަހުގެ ތިނެއްވާ ހޯމަ ދުވަހުގެ މެންދުރުފަހު 13:00 ކަމަށް އެމްއައިބީން ބުނެއެވެ. އަދި ނީލަން ފެށުމަށް ހުށަހެޅޭ އެންމެ ދަށް އަގަކީ 12،150،000.00 ރުފިޔާކަމަށްވެސް އެމްއައިބީއިން ބުނެއެވެ.
އެމްއައިބީއިން ބުނީ ނީލަމުގެ ސުންގަޑި ހަމަވާ ވަގުތާއި ހަމައަށް ނީލަން ހުށަހަޅާ ފަރާތްތަކުގެ ތެރެއިން އެ ވަގުތު އެތަނުގައި ތިބޭ ފަރާތްތަކުގެ ހާޒިރުގައި ސިޓީތައް ކަނޑައި ނީލަމުގެ އެންމެ މަތީ އަގު އިއުލާން ކުރާނެކަމށެވެ.
