މި ސްކޮލަޝިޕް ތަކުގެ ތެރެއިން 26 އޮކްޓޫބަރު 2026 ގައި ފައްޓާ އިންޓޭކުގައި ބައިވެރިވުމުގެ ފުރުސަތު ލިބިގެންދާނެކަމަށް އަދާލަތު ޕާޓީން ބުނެއެވެ. އެގޮތުން 3 އަހަރު ދުވަހުގެ ޑިގްރީއަކަށް ކުރިމަތިލުމުގެ ފުރުސަތު ލިބިގެންދާނެކަމަށް އަދާލަތު ޕާޓިން ބުނެއެވެ. 

ސްކޮލަޝިޕްތައް ލިބޭ ޔުނިވާސިޓީތައް 

• ސްކޫލް އޮފް ބިޒްނަސް – ވިޔަފާރި (ބިޒްނަސް) އާ ގުޅޭ ދާއިރާތަކުގެ ޑިގްރީ

• ސްކޫލު އޮފް އެޑިއުކޭޝަން އެންޑް ހިއުމަން ސައިންސް – ތަޢުލީމު، އިޖުތިމާއީ އަދި އިންސާނީ ސައިންސް އާ ގުޅޭ ދާއިރާތައް

• ސްކޫލު އޮފް ކޮމްޕިއުޓިންގް – ކޮމްޕިއުޓާ ސައިންސް، ޑާޓާ ސައިންސް، އިންފޯމޭޝަން ޓެކްނޮލޮޖީ އަދި ސައިބާ ސެކިއުރިޓީ

މި ސްކޮލަޝިޕަށް ކުރިމަތިލެވޭ ޝަރުތުތައް

• 17 އަހަރާއި 23 އަހަރާއި ދެމެދު

• ކައިވެނި ނުކޮށް

• މާލީ ހާލަތަށް ރިޢާއަތްކޮށް، މާލީ ފުދުންތެރިކަން ދަށް ކުދިންނަށް އިސްކަން ދެވިގެންދާނެއެވެ.

• ގްރޭޑް 12 ނުވަތަ އެއާ އެއްފެންވަރުގެ ސަނަދެއް ހާސިލުކޮށްފައިވުން

• ދަށްވެގެން ސީ.ޖީ.ޕީ.އޭ 2.8 ގައި ހިފެހެއްޓުން (ކޮމްޕިއުޓަރ ސައިންސް ނުވަތަ ޑާޓާ ސައިންސް ނަމަ، ދަށްވެގެން  ސީ.ޖީ.ޕީ.އޭ 3.0 ހިފެހެއްޓުން)

• މިވަގުތު އެއްވެސް މަތީ ތައުލީމު ދޭ ތަނެއްގައި ކިޔަމުންދާ ފަރާތެއް ކަމުގައި ނުވުން

• އެއްވެސް އެއްބަޑު، އެއްބަފާ ނުވަތު އެއްބަނޑު އެއްބަފާ މީހަކަށް މި ޔުނިވާސިޓީގެ ފައުންޑޭޝަންގެ ފަރާތުން އެހީ ލިބިފައި ނުވުން

•  IELTS / TOEFL / TOEFL iBT / PTE  ހާސިލުކޮށްފައިވުން

އަދާލަތު ޕާޓީން ބުނީ މި ސްކޮލަޝިޕްތަކަށް ހޮވޭ ކުދިންނަށް މެލޭޝިޔާގެ ވިސާ ފީ އާއި މެލޭޝިޔާއަށް ދަތުކުރަން އެއާ ޓިކެޓާއި ޔުނިވާސިޓީއަށް ދައްކަންޖެހޭ ސެކިއުރިޓީ ޑިޕޮޒިޓް (1200 ރިންގިޓު (295 ޑޮލަރު) ދައްކަން ޖެހޭނީ ހޮވޭ ފަރާތުން އަމިއްލައަށް ކަމަށެވެ. ޕާޓީން ހަމަޖައްސާދޭނީ އެ ހަރަދުތައް ފިޔަވާ ދެން ހުރި ހުރިހާ ހަރަދެއްކަމަށް އަދާލަތު ޕާޓީން ބުނެއެވެ. 

މި ސްކޮލަޝިޕް އަށް ކުރިމަތިލުމަށް ޝައުޤުވެރިވާ ފަރާތްތަކުން  އެފަރާތުގެ އައިޑީ ކާޑު ކޮޕީ، ސީވީ އަދ އެޓެސްކޮށްފައިވާ ތައުލީމީ ސެޓްފިކެޓްތައް އަދި އެ ފަރާތެއްގެ ބެލެނިވެރިންނަށް ލިބޭ އާމްދަނީ ކަށަވަރުކޮށްދޭ ލިޔުންތައް ނުވަތަ ބެލެނިވެރިންނަށް ސަރުކާރުގެ އެހީ ލިބޭ ފަރާތްތެއްކަން ކަށަވަރު ކުރެވޭނެ ލިޔުމެއް [email protected] އަށް މިމަހުގެ 25 ކުރިން އީމެއިލް ކުރުމަށް އަދާލަތު ޕާޓީން އެދެއެވެ.