ރައްޔިތުން މަޖިލީހުގައި މެމްބަރަކު ކުރެއްވި ސުވާލު ޖަވާބުދެއްވަމުން މިނިސްޓަރު މުއްތަލިބު ވިދާޅުވީ ސަރުކާރުން ބޭނުންވާ ބާރުމިނުގައި މަޝްރޫއުތައް ކުރިއަށް ނުދާކަން ގަބޫލުކުރައްވާ ކަމަށެވެ.
މިނިސްޓަރު މުއްތަލިބް ވިދާޅުވީ މި ސަރުކާރުން ވެރިކަމަށް އައީ ވަކި މަޝްރޫއުތަކަކަށް ވައުދުވެގެން ކަމަށެވެ. އެހެންނަމަވެސް ރައީސް މުހައްމަދު މުއިއްޒު ބޭނުންފުޅުވީ ކުރީ ސަރުކާރުގައި ހަވާލުކޮށްފައިވާ މަޝްރޫއުތައްވެސް ކުރިއަށް ގެންދަން ކަމަށް މުއްތަލިބު ވިދާޅުވި އެވެ. އެހެންކަމުން މި ސަރުކާރުގެ މަޝްރޫއުތައް ލަސްވަނީ ކުރީ ސަރުކާރުގެ މަޝްރޫއުތައް ކުރިޔަށް ގެންދާތީކަމަށެވެ.
މުއްތަލިބު ވިދާޅުވީ ދެ ކަންތައް ކުރިއަށް ގެންދަން ޖެހެނީ ވިސްނުންތެރިކަމާ އެކު ކަމަށާއި، އެއާ އެކު މަޝްރޫއުތަކުގައި ލަސްކަން އަދި މައްސަލަތައް ވެސް އުޅެދާނެ ކަމަށެވެ.
