މާލެ ސިޓީ ކައުންސިލުން ބުނީ، ކައުންސިލްގެ ބެލުމުގައި ދަށުގައިވާ ވިލިމާލޭގެ ވިލިދޫނި ބަޤީޗާގެ ގޯތިތެރޭގައި ހުރި ގަހަކަށް ބަޔަކު ވަދެ ގެއްލުން ދެމެން ދަނިކޮށް އެކައުންސިލުން ވަނީ ހުއްޓުވާފައިވާކަމަށެވެ.
ކައުންސިލުން އާއްމުކުރި ފޮޓޯތަކުން ފެންނަ ގޮތުން ބަޔަކު ނުކުމެ ކަނޑާަލަން މަސައްކަތް ކުރަންދިޔައީ އެ ބަޗީގާގެ ހުރި ބޮޑު ގަހެކެވެ. ކައުންސިލުން އެ ބަގީޗާއަށް ވަން އިއރު އެކަކު ގަހުގެ މަތީގައި ހުރެ ޖިގްސޯއަކުން ގަހުގެ ގޮފިތައް ކަނޑަމުން ދިޔައިރު އިތުރު މީހަކު އެ ގަހުގެ ތިރީގައި ހުރި ޖިގްސޯއަކުން ގޮފިތައް ކަނޑާތައް ކައުންސިލުން އާއްމުކުރި ފޮޓޯތަކުން ފެނެއެވެ.
ބަޔަކު ނުކުމެ ވިލިމާލޭ ބަގީޗާގައި ހުރި ގަހެއް ކަނޑަނިކޮށް ކައުންސިލުން ހުއްޓުވަނީ
ވިލިދޫނި ބަގީޗާގެ ގަހެއް ކަނޑަނިކޮށް ކައުންސިލުން ހުއްޓުވާފައި މިވަނީ މި މަހުގެ 14 ވަނަ ދުވަހު ހަމަ އެ ޕާކުގައި ހުރި ބޮޑު ނިކަގަހެއް ކަނޑާލި މައްސަލައެއް ވެސް ފެންމަތިވެފައި ވަނިކޮށެވެ.
އެ ނިކަ ގަސް ކަނޑާލުމުން އެކަމާއި ކަންބޮޑުވުން ފާޅުކޮށް މީހަކު އެކްސްގައި ޕޯސްޓެއް ކުރުމުން މާލޭ ސިޓީ ކައުންސިލުން ބުނީ އެ ގަސް ކަނޑާލުމުގައި ކައުންސިލްގެ އެއްވެސް ބައިވެރިވުމެއް ނުވާނެ ކަމަށެވެ. އަދި އެކަން ކުރި ބަޔަކު ހޯދުމުގެ މަސައްކަތް ކުރަމުން އަންނަކަމަށެވެ.
