ގަވައިދާ ހިލާފަށް ހިންގާ ވިޔަފާރިތައް ބަލާ ފާސްކުރަން ހިންގަމުން އަންނަ ހަރަކާތުގައި މިދިޔަ އަހަރުގެ ނޮވެމްބަރުމަހުން ފެށިގެން މިދިޔަމަހުގެ ނިޔަލަށް 447 ޝަކުވާއެއް ލިބިފައިވާކަމަށެވެ. އެ ޝަކުވާތަކާއި ގުޅިގެން 274 ތަނެއް ބަލާ ފާަސްކޮށްފައިވާކަމަށް އެ މިނިސްޓްރީން ބުނެފިއެވެ.
މިނިސްޓްރީން ބުނީ ދިޔަ އަހަރުގެ ނޮވެމްބަރުމަހުން ފެށިގެން މިދިޔަމަހުގެ ނިޔަލަށް 107 ވިޔަފާރިއެއް ބަންދުކޮށްފައިވާކަމަށެވެ. އެތަންތަނުގެ ތެރެއިން 68 ތަނެއް އަލުން ހުޅުވަން ހުއްދަދިންކަމަށްވެސް އިކޮނޮމިކް މިނިސްޓްރީން ބުނެއެވެ. އެހެންނަމަވެސް ބަންދުކުރި ތަންތަނުގެ ތަފްސީލެއް މިނިސްޓްރީން ހާމައެއް ނުކުރެއެވެ.
