މި ތާރީހީ ނިންމުން ނިންމާފައިވަނީ ޔޫއޭއީގެ އެމިރޭޓްސް ޑްރަގް އެސްޓަބްލިސްމަންޓުންނެވެ.
އެމިރޭޓްސް ޑްރަގް އެސްޓަބްލިސްމަންޓުން ހުއްދަ ދީފައިވަނީ "ރިންވޮކް" ނަމަކަށް ކިޔާ ގުޅަ ބޭހަކަށެވެ. މިއީ ދުވާލަކު އެއްފަހަރު ބޭނުންކުރަންޖެހޭ ބޭހެކެވެ. މި ފަރުވާ ހާއްސަކޮށްފައިވަނީ އުމުރުން ބާރަ އަހަރުން މަތީގެ ކުދިންނާއި ބޮޑެތި މީހުންނަށް ޖެހޭ ނޮން-ސެގްމެންޓަލް ވިޓިލައިގޯ އަށެވެ. ދުނިޔޭގެ އެހެން އެއްވެސް ގައުމަކަށް ވުރެ ކުރިން މި ބޭހަށް ޔޫއޭއީގައި ހުއްދަ ދިނުމަކީ، ސިއްހީ ދާއިރާގެ އެންމެ ފަހުގެ ހޯދުންތައް އަވަހަށް ރައްޔިތުންނާ ހަމައަށް ފޯރުކޮށްދިނުމަށް އެ ގައުމުން ދޭ އަހައްމިއްޔަތުކަން އަންގައިދޭ ކަމެކެވެ.
ވިޓިލައިގޯ އަކީ ހަށިގަނޑުގެ ދިފާއީ ނިޒާމަށް އަންނަ ބަދަލެއްގެ ސަބަބުން ހަންގަނޑުގެ އަސްލު ކުލަ ގެއްލި، ހުދު ކުލައިގެ ލައްތަކެއް ހަށިގަނޑުގެ އެކި ހިސާބުތަކުގައި އުފެދޭ ހާލަތެކެވެ. މިހާތަނަށް ދެމުން އައީ ހަންގަނޑުގައި އުނގުޅާ ބޭހާއި އަލީގެ ފަރުވާ އެކަންޏެވެ.
