އިއްޔެ ނޫސްވެރިންނާއި ބައްދަލުކުރައްވާ ރައީސް މުއިއްޒު މިހެން ވިދާޅުވީ ހައުސިން މިނިސްޓްރީގައި ބަޔަކު ރޯކޮށްލިކަމަށް ވިދާޅުވެ ކުރީގެ ރައީސް ޔާމީން އަބްދުލްގައްޔޫމް ދެއްކެވި ވާހަކަތަކަށް ރައްދުދެއްވަމުން ނެވެ.
ރައީސް މުއިއްޒު ވިދާޅުވީ ރާއްޖޭގައި ވެރިކަން ކުރައްވާފައި ހުންނެވި ބޭފުޅަކު އެފަދަ ބޮޑު އިތުރުފުޅެއް ހެދުމުން އެކަމާއި ކަންބޮޑުވެޑައިގަންނަވާކަމަށެވެ.
އެއްވެސް ކަހަލަ ޒިންމާދާރުކަމެއް ނެތި ގައުމުގައި ވާހަކަ ފެތުރުން ހުއްޓުވަން ޖެހޭކަމަށާއި އެކަމަސް އެންމެން ނޫނެކޭ ނުބުނަނީސް އެކަން ނުހުއްޓުވޭނެކަމަށްވެސް ރައީސް މުއިއްޒު ވިދާޅުވި އެވެ. އެހެންކަމުން ދޮގު ހަދާ މީހުންނަށް އެންމެން އެއްކޮށް ނޫނެކޭ ބުނަންޖެހޭކަމަށާއި އޭރު ސިޔާސީ މިހުން އެކަން ހުއްޓާނެކަމަށްވެސް ރައީސް މުއިއްޒު ވިދާޅުވި އެވެ.
ޔާމީންގެ ތުހުމަތާ ގުޅިގެން ހޯމް މިނިސްޓަރު އިހުސާން ވިދާޅުވީ، ތިން މިނިސްޓްރީއެއް ހިންގަމުން އައި އިމާރާތްތަކުގައި ރޯވި މައްސަލައާ ގުޅިގެން އެކުވެރި ގައުމުތަކުގެ މިފަދަ ކަންކަން ތަހުގީގުކުރާ މާހިރުން ގުޅިގެން ކުރި ތަހުގީގުން ހޯދި ހޯދުމުން އެނގުނީ އެ ހާދިސާ ހިނގާފައި ވަނީ ކަރަންޓު ނަރުތަކުގައި ރޯވެގެން ކަމަށެވެ.
