ޕީއެންއެފުން މިދިޔަ އާދިއްތަ ދުވަހުގެ ރޭ ބޭއްވި ޖަލްސާގައި ޔާމީން ވަނީ މިނިސްޓްރީގެ އިމާރާތުގައި 12 ޑިސެމްބަރު 2024 ގެ ހެނދުނު ރޯކޮށްލީ "ރައީސް ޑރ. މުހައްމަދު މުއިއްޒާ ކިހާ ގާތް މީހެއްކަން ވެސް ފުލުހުންނަށް އެނގޭނެ" ކަމަށާއި އެ މައުލޫމާތު ފުލުހުންގެ އިދާރާގައި އެބަހުރި ކަމަށް ވިދާޅުވެފަ އެވެ.

ނަމަވެސް ޔާމީނަށް އެ މައުލޫމާތު އެނގިވަޑައިނުގަންނަވާ ކަމަށް ވިދާޅުވެ، ފުލުހުންނަށް ސިޓީއެއް ފޮނުއްވީ ތަހުގީގަށް މައުލޫމާތު ހޯދަން ޔާމީން ފުލުސް އޮފީހަށް ހާޒިރުކުރުމަށް ޗިޓެއް ހަވާލުކުރަން އުޅުމުންނެވެ. . 

ބަލަމުންދާ މައްސަލައަކާ ގުޅޭ ގޮތުން ޔާމީން ފުލުސް އޮފީހަށް ހާޒިރުވާން އަންގައި ނެރެފައިވާ ޗިޓަކާ އެކު އިއްޔެ ފުލުހުން ޔާމީންގެ ގެކޮޅަށް ދިޔަ އެވެ.

ފުލުހުން މިއަދު ނެރުނު ބަޔާނެއްގައި ބުނީ ޔާމީން ދެއްކެވި ވާހަކަފުޅުތަކަކީ ތަހުގީގަށް މުހިންމު މައުލޫމާތަކަކަށްވާތީ އެ މަނިކުފާނަށް އެނގިވަޑައިގަންނަވާ މައުލޫމާތު ތަހުގީގަަށް ސާފުކުރުމަށް ޓަކައި، ފުލުހުންގެ އިދާރާއަށް ހާޒިރުވުމަށް ޗިޓު ހަވާލުކުރުމަށް މަސައްކަތްތަކެއް ކުރި ކަމަށެވެ.

ނަމަވެސް އިއްޔެ އިރުއޮއްސި 6:40 ހާއިރު ޔާމީން ދިރިއުޅުއްވާ ހ. ދޫވެއްސަށް ފުލުހުން ގޮސް އެ މަނިކުފާނާ ބައްދަލުކޮށް ޗިޓު ހަވާލުކުރުމަށް މަސައްކަތް ކުރެވުނު ނަމަވެސް އެ މަނިކުފާނު ޗިޓާ ހަވާލުވެވަޑައިގަންނަވަން ބޭނުންފުޅު ނުވި ކަމަށް ފުލުހުން ބުންޏެވެ.

އޭގެ ފަހުން ފުލުހުންނަށް ޔާމީން ސިޓީއެއް ފޮނުވިކަން ފާހަގަކޮށްފައިވެ އެވެ. އެގޮތުން، އެ ސިޓީގައި އޮންނަނީ:

• އެ މައްސަލައާ ގުޅޭ ގޮތުން ޔާމީނަށް އިތުރު އެއްވެސް މައުލޫމާތެއް އެނގިވަޑައިނުގަންނަވާ ކަމަށް

• އެހެންކަމުން ފުލުހުންގެ އިދާރާއަށް ހާޒިރުވެވަޑައިގަތުމުގެ އިތުރު ބޭނުމެއް ނެތް ކަމަށް

މިދިޔަ އޮގަސްޓް މަހު މިނިސްޓަރު އިހުސާން ރައްޔިތުންގެ މަޖިލީހުގެ ޖަލްސާއެއްގައި ވިދާޅުވެފައިވަނީ ބޭރު ގައުމުތަކުގެ ތަޖުރިބާކާރުންގެ އެހީތެރިކަމާ އެކު އެ ހާދިސާގެ ތަހުގީގު ނިމިފައިވާ ކަމަށެވެ. އަދި އެއީ ބަޔަކު ރޯކޮށްލައިގެން ހިނގި ހާދިސާއެއް ނޫން ކަން، ތަހުގީގަށް ހޯދިފައިިވާ ކަމަށް މިނިސްޓަރު ވިދާޅުވި އެވެ.