ރައީސްގެ އޮފީހުން ބުނީ ސިންގަޕޫރަށް ކުރެެއްވި ނުރަސްމީ ދަތުރުފުޅަށްފަހު ރައީސްގެ ދެކަނބަލުން ރާއްޖެވަޑާއިގެންނެވީ މިރޭގެ ވަގުތެއްގައިކަމަށެވެ.
ނުރަސްމީ ދަތުރުފުޅެއްގައި ރައީސް ޑރ މުޙައްމަދު މުއިއްޒާއި އެމަނިކުފާނުގެ އަނބިކަނބަލުން ސާޖިދާ މުޙައްމަދު، ސިންގަޕޫރަށް ފުރާވަޑައިގަތީ މިމަހުގެ 26ވަނަ ދުވަހުގެ ރޭގައެވެ.
ރައީސް ކުރައްވާ ބައެއް ނުރަސްމީ ދަތުރުފުޅުތަކުގައި، އެމަނިކުފާނު ކުރައްވާ އިދާރީ މަސައްކަތްޕުޅުތަކުގެ ހަރަދާއި، އާއިލާއާއި އަމިއްލަފުޅު ކަންކަންވެސް ހިމެނޭގޮތުން، މުޅި ދަތުރުފުޅުގެ ހުރިހާ ޚަރަދެއްވެސް ކުރައްވަނީ ރައީސް އަމިއްލަފުޅަށެވެ.
ފާހަގަކުރެވޭ ގޮތުގައި ވެރިކަމަށް ވަޑައިގަތުމަށްފަހު ރައީސް އެންމެ ގިނައިން ވަޑައިގަތީ ވެސް ސިންގަޕޫރަށެވެ. މިއީ ރައީސް މުއިއްޒު ވެރިކަމަށް ވަޑައިގެންނެވި ފަހުން ސިންގަޕޫރަށް ކުރެއްވި ނުވަ ވަނަ ދަތުރެވެ. އެއީ ނުރަސްމީ 8 ދަތުރާއި ރަސްމީ އެއް ދަތުރެވެ.
