މެޑިކަލް ދާއިރާގެ މަޝްހޫރު ޖާނަލް އެއް ކަމަށްވާ "ދީ လާންސެޓް" ގައި ޝާއިއުކޮށްފައިވާ މި ދިރާސާގެ ނަތީޖާތަކުން ދައްކާ ގޮތުގައި، މި ބޭހުގެ ފޭސް 3 ކްލިނިކަލް ޓްރަޔަލްތަކުގައި ބައިވެރިވި މީހުންގެ ބަރުދަނަށް ވަނީ ބޮޑު ބަދަލެއް އައިސްފައެވެ. މި ތަޖުރިބާތައް ކުރިއަށް ގެންގޮސްފައިވަނީ މާބޮޑަށް ފަލަވުމުގެ މައްސަލަ ތަހައްމަލުކުރާ އަދި ޓައިޕް 2 ޑައިބެޓީސް ހުންނަ ބޮޑެތި މީހުންގެ މެދުގަ އެވެ.
މި ބޭހުގެ ސަބަބުން ހަމައެކަނި ބަރުދަން ލުއިވުމުގެ އިތުރުން، ސިއްހީ އެހެނިހެން ގިނަ ފައިދާތަކެއްވެސް ލިބިގެންދެއެވެ. އެގޮތުން، ލޭގައި ހަކުރު އެކުލެވޭ މިންވަރު ރަނގަޅުކުރުމަށާއި، ހިތުގެ ބަލިތަކަށް މަގުފަހިކުރުވާ ނުރައްކާތައް ކުޑަކުރުމުގައިވެސް މި ބޭހުން ބޮޑެތި ކުރިއެރުންތަކެއް ހޯދާފައިވާކަން ދިރާސާއިން ވަނީ ސާބިތުވެފައެވެ.
މި އާ ކާމިޔާބީއާއެކު، މާބޮޑަށް ފަލަވުމާއި ހަކުރުބަލި ތަހައްމަލުކުރަމުންދާ ފަރާތްތަކަށް އުންމީދީ އާ ފަރުވާއެއް ލިބިގެންދާނެ ކަމަށް މާހިރުން ގަބޫލުކުރެ އެވެ. އަދި މިއީ ސިއްހީ ފަރުވާގެ ދާއިރާއަށް ލިބުނު ވަރަށް ބޮޑު ކުރިއެރުމެއްގެ ގޮތުގައި ވަނީ ފާހަގަކުރެވިފަ އެވެ.
