އެމްޑީޕީ ކޮންގެރެސް ހުޅުވުމުގެ ޖަލްސާގައި ޝިޔާމް ބައިވެރިވެޑައިގެންނެވިއިރު މިދިޔަ މަހު ވެރިކަން ކުރާ ޕީއެންސީގެ ކޮންގެރެސްގެ ހުޅުވުމުގެ ޖަލްސާގައި އެމްޑީޕީގެ ފަރާތުން ބައިވެރިވެޑައިގަތީ އެޕާޓީގެ ޗެއާޕާސަން، އަދި ކުރީގެ ރައީސް މުހައްމަދު ނަޝީދު އެވެ.
މިރޭ ފެށި އެމްޑީޕީގެ ކޮންގެރެސް އަންނަ ހޮނިހިރު ދުވަހުގެ ނިޔަލަށް ކުރިޔަށް ދާނެ އެވެ. މި ކޮންގެރެސްގައި އެޕާޓީގެ އަސާސީ ގަވައިދަށް ގެންނަ ފެންނަ ބަދަލުތަކާއި ގުޅޭގޮތުން ބަހުސްކޮށް ވޯޓަށް އަހާނެ އެވެ.
އެމްޑީޕީގެ ކޮންގެރެސް ބާއްވަން ތަނެއް ސަރުކާރުން ނުދިނުމުން އެ ޕާޓީގެ ކޮންގެރެސް ބާއްވަމުން އަންނަނީ މާލޭ ސިޓީ ކައުންސިލްގެ ގޯތި ތެރޭގައި ޓެންޓެއް ޖަހައިގެން އެތަނުގައެވެ.
