ފުލުހުން ބުނީ އެ ދޯރި ފެނުނީ މިއަދު ހެނދުނު އެ މީހާ ފުރަން ޑޮމެސްޓިކް ޓާމިނަލަށް ގޮސް ހުއްޓައި އޭވިއޭޝަން ސެކިއުރިޓީ ކޮމާންޑުން ހިންގި ރޫޓީން ސްކްރީނިން މަރުހަލާގައި ކަމަށެވެ. ނަމަވެސް މި މައްސަލައާ ގުޅިގެން މިހާތަނަށް އެއްވެސް މީހަކު ފުލުހުންގެ ބެލުމުގެ ދަށަށް ގެންގޮސްފައެއް ނުވެ އެވެ.
ފުލުހުން ބުނި ގޮތުގައި މައްސަލަ ގެންދަނީ ތަހުގީގު ކުރަމުންނެވެ.
ރާއްޖޭގެ ގާނޫނުތައް ބުނާ ގޮތުން ދައުލަތުގެ ކަމާ ބެހޭ ފަރާތްތަކުން ދޫކުރާ ހާއްސަ ހުއްދައެއް ނެތި ހަތިޔާރާއި ވަޒަން ފަދަ ތަކެތި ގެންގުޅުމަކީ ޖިނާއީ ބޮޑު ކުށެކެވެ.
މީގެ ކުރިން ވެސް ވެލާނާ އިންޓަނޭޝަނަލް އެއާޕޯޓުންނާއި ރާއްޖޭގެ އެހެން ބައެއް އެއާޕޯޓުތަކުން ފުރަން ދިޔަ މީހުންގެ އަތުންނާއި ލަގެޖުން ވަޒަން ފަދަ ތަކެތި ފެނިގެން ފުލުހުންނާއި ސިފައިން އެ މައްސަލަތައް ބަލާފައިވެ އެވެ. އެގޮތުން ބޭރުގެ ފަތުރުވެރިންގެ އަތުން މިފަދަ ތަކެތި ފެނިފައިވާކަން ފާހަގަކުރެވެ އެވެ.
