ކުރީގެ ރައީސް އިބްރާހިމް މުހައްމަދު ސާލިހުގެ ސަރުކާރުން އާރްޑީސީއާ ހަވާލުކޮށްގެން އަމީނީމަގު ޒަމާނީ ފެންވަރަށް ހެދުމުގެ މަސައްކަތް ފެށީ ޖުލައި 2022 ގަ އެވެ. ފިޔަވަހިތަކަކަށް ބަހާލައިގެން ކުރިއަށް ގެންދިޔަ އެ މަޝްރޫއުގައި އެ ވެރިކަން ނިމުނުއިރު ފުރިހަމަނުވެ އޮތް ސަރަހައްދުގެ މަސައްކަތް ފެށީ ޑިސެމްބަރު 2023 ގައެވެ. އެމަސައްކަތް ނިންމާ އެ ބައި ހުޅުވީ 2024 ވަނަ އަހަރު އެވެ.
އަމީނީމަގުގައި ބޮޑެތި ވަޅުގަނޑުތައް ހެދިފައިވާތީ އެމަގު އަކުން ހެދުމުގެ މަައްކަތުގެ ދަށުން ފުރަތަމަ ސެގްމަންޓުގައި އަލުން ތާރު އަޅާ ނިންމާ ރޭ ވަނީ އާއްމުކޮށް ހުޅުވާލާފަ އެވެ. އެއީ މ ސަރުކާރުން ވެރިކަމަށް އައިސް ނިންމި ބައެވެ.
އަމީނީމަގު މަރާމާތުކުރުމުގެ މަސައްކަތުގެ ދެވަނަ ސެގްމަންޓް މިއަދު ފެށުމަށް ހަމަޖެހިފައިވާތީ، ރޭގެ ދަންވަރު ފެށިގެން އެ ބައި ވަނީ ބަންދުކޮށްފަ އެވެ. އެއީ އަމީނީމަގާއި އިއްޒުދީން މަގު ގުޅުނު ކަންމަތިން ފެށިގެން އިރުމައްޗަށް ގޮސް ކޯރުކެނޑި މަގާ ހަމައަށް ކަމަށެވެ.
ފުލުހުން ބުނީ އެ ސަރަހައްދުގެ ޓްރެފިކް ފްލޯއަށް ބަދަލުތައް ގެނެސްފައިވާކަމަށެވެ.
