މި ހާދިސާއާ ގުޅިގެން އެ ބަލި އިތުރަށް ފެތުރުނަނުދިނުމަށްޓަކައި ކަމާބެހޭ ފަރާތްތަކުން ވަނީ ވަގުތުން ވަރުގަދަ ފިޔަވަޅުތަކެއް އަޅައި، ރައްކާތެރިކަން ކަށަވަރުކުރުމުގެ މަސައްކަތް ފަށާފައެވެ.
މި ހާދިސާގައި ބަލިޖެހިގެން މަރުވި ލެބް ޓެކްނީޝަނާ އެކި ގޮތްގޮތުން ބައްދަލުވެ، ސީދާ ދިމާވެފައިވާ އެތައް ސަތޭކަ މީހުން ވަނީ ދެނެގަނެފަ އެވެ. އަދި އެ މީހުންގެ ތެރެއިން ބަލި އިތުރަށް ފެތުރުނަ ނުދީ ހުއްޓުވުމަށްޓަކައި ކަމާބެހޭ ފަރާތްތަކުން ވަނީ އެ އެންމެން މާސް ކަރަންޓީނުގެ އުސޫލުތަކުގެ ދަށުން ކަރަންޓީނުކޮށްފަ އެވެ.
މި ކަމާ ގުޅިގެން ސިއްހީ މާހިރުން ސާފުކޮށްދެއްވާފައިވާ ގޮތުގައި، ނިއުމޯނިކް ޕްލޭގަކީ އިންތިހާއަށް ނުރައްކާތެރި ބައްޔެއް ކަމުގައިވީ ނަމަވެސް، ވައިރަސް މެދުވެރިކޮށް ފެތުރޭ ނޭވާލާ ނިޒާމުގެ އެހެން ބަލިތަކާ ހިލާފަށް، މި ބައްޔަށް ލަސްނުކޮށް އަވަސް ފަރުވާގެ ގޮތުގައި އެންޓިބަޔޮޓިކްސް ދިނުމުން ކާމިޔާބުކަމާއެކު ފަރުވާ ކުރެވެއެވެ. އަދި ބަލިޖެހޭ މީހުންނަށް ވަގުތުން އެންޓިބަޔޮޓިކްސް ދެވިއްޖެނަމަ، މި ބަލިން އެއްކޮށް ރަނގަޅުކުރެވޭނެކަން ސިއްހީ މާހިރުން ވަނީ ފާހަގަކުރައްވާފަ އެވެ.
