މި އަހަރުގެ އޭޕްރީލް މަހުގެ 27 ވަނަ ދުވަހު ފެނަކަގެ އެމްޑީކަމަށް އައްޔަންކުރި އަފީފް އެ މާގާމުން ވަކިކުރީ އިއްޔެ އެވެ. ޕީސީބީން ބުނީ އަފީފް ފެނަކަގެ އެމްޑީގެ މަގާމުން ވަކިކުރީ އެ ކުންފުނި އުވާލަން ނިންމާފައިވާތީކަމަށެވެ.
ފެނަކަގެ އެމްޑީގެ މަގާމުން އަފީފް ވަކިކުރުމަށް ފަހު އޭނާ ވަނީ އެންވަޔަމެންޓް މިނިސްޓްރީގެ ސްޓޭޓް މިނިސްޓަރުކަމަށް އައްޔަންކޮށްފަ އެވެ. މިކަން އަފޫފް ވަނީ ބައެއް މީޑިއާތަކަށް ޔަގީންކޮށްދެއްވާ ފައެވެ.
ފެނަކަ އުވާލާ އެ ކުންފުނިން ކުރަމުން އައި ކަރަންޓްގެ މަސައްކަތްތައް ސްޓެލްކޯއަށް ހަވާލުކުރަން ނިންމާ މިދިޔަ މަހުގެ 7 ވަނަ ދުވަހު ރައީސް މުއިއްޒު ވަނީ އެކަން އިއުލާންކުރައްވާފަ އެވެ. ފެނަކައިގެ އިތުރުން އާރުޑީސީވެސް އުވާލާ އެތަނުގެ މަސައްކަތް އެމްޓީސީސީއަށް ބަދަލުކުރަންވެސް ރައީސްް ވަނީ ނިންމަވާފައެވެ. އަދި އެގްރޯ ނެޓްވެސް މިފްކޯގެ ސަބްސިޑަރީ ކުންފުންޏަކަށް ވަނީ ބަދަލުކޮށްފަ އެވެ.
