މި މައްސަލައިގައި ފުލުހުންގެ ބެލުމުގެ ދަށަށް ގެންގޮސްފައިވަނީ އުމުރުން 25 އަހަރާއި 29 އަހަރުގެ ލަންކާގެ ދެ ރައްޔިތުންނެވެ. ފުލުހުން ބުނި ގޮތުގައި މި ދެ މީހުން އަތުލައިގަތީ އިއްޔެ ދަންވަރު 2:00 ގެ ފަހުން، ލޮނުޒިޔާރަތް މަގުން ރުއްކެނޑިޔާ ހިނގުމަށް ވަންވޭއާ ހިލާފަށް ސައިކަލު ދުއްވާފައި ދަނިކޮށް، މާލެ ޕެޓްރޯލް ކުރަމުންދިޔަ ފުލުހުންނަށް ފެނިގެން ހުއްޓުވުމަށް ފަހުގަ އެވެ.
ސައިކަލު ދުއްވަން އިން މީހާގެ އަތުގައި އެއްގަމު އުޅަނދު ދުއްވުމުގެ ލައިސަންސް ނެތުމުގެ ސަބަބުން، ފުރަތަމަ ފުލުހުން ވަނީ އެ ސައިކަލު ޓޯ ޔާޑަށް ގެންގޮސްފައެވެ. ޯ ޔާޑަށް ގެންގޮސް ސައިކަލު އިތުރަށް ބެލުމުން، ސައިކަލުގައި ހުރި ނަންބަރު ބޯޑާއި އޭގެ އިންޖީނު އަދި ޗެސިސް ނަންބަރު ދިމާނުވާކަން ފާހަގަކުރެވުނެވެ. އަދި ފުލުހުންގެ ސިސްޓަމް މެދުވެރިކޮށް ބެލިބެލުމުން، އެއީ ވައްކަންކޮށްފައިވާ ސައިކަލެއްކަން ވަނީ ކަށަވަރުވެފަ އެވެ.
މި ދެ މީހުން ހައްޔަރުކޮށްފައިވަނީ ވަގަށް ނަގާފައިވާ އުޅަނދެއް ބޭނުންކުރި ކަމުގެ ތުހުމަތުގަ އެވެ.
