ތަކެތީގެ އަގުތައް އުފުލެމުންދާތީ އެކަމާ ދެކޮޅަށް އަޑުއުފުލުމަށް ގިނަ އަދަދެއްގެ އާންމު ރައްޔިތުން މަގުތަކަށް ނުކުމެ ކުރިއަށްގެންދިޔަ މި އިހުތިޖާޖުތައް ވަނީ ނުރައްކާތެރި އަނިޔާވެރި ކުރިމަތިލުންތަކަކަށް ބަދަލުވެފަ އެވެ.
މުޒާހަރާގެ ބައިވެރިންނާއި ހަމަނުޖެހުންތައް ކަންޓްރޯލްކުރުމަށް ހަރަކާތްތެރިވި ފުލުހުންނާ ދެމެދު ބޮޑެތި ކުރިމަތިލުންތަކެއް ވަނީ ހިނގާފަ އެވެ. މި ހަމަނުޖެހުންތަކުގެ ތެރޭގައި އެކި އުޅަނދުފަހަރުގައި ވަނީ ރޯކޮށްފައެވެ. އަދި މަގުމަތީގައި ހުރި ފިހާރަތަކުގެ ކުރިމައްޗަށް ބޮޑެތި ގެއްލުންތަކެއް ދީ، މުދަލަށް ގެއްލުންދީފައިވާކަން ވަނީ ފާހަގަކުރެވިފައެވެ. މި ކުރިމަތިލުންތަކާއި ހަމަނުޖެހުންތަކާ ގުޅިގެން ސަތޭކައިން ގުނާލެވޭ އަދަދަކަށް މުޒާހަރާގެ ބައިވެރިން ވަނީ ފުލުހުންގެ ބެލުމުގެ ދަށަށް ގެންގޮސްފަ އެވެ.
އިންފްލޭޝަން އުފުލި، އާންމު ދިރިއުޅުމުގެ ދުވަހީ ހަރަދުތައް އިންތިހާއަށް މައްޗަށް ދިއުމުގެ ސަބަބުން ފްރާންސްގެ ގިނަ ސިޓީތަކެއްގައި އާންމުންގެ ނުރުހުން ވަނީ ވަރުގަދަވެފަ އެވެ. މި މުޒާހަރާތަކަކީ ދިރިއުޅުމުގެ ހަރަދުތައް ބޮޑުވުމާ ދެކޮޅަށް ގޮވާލައި ކުރިއަށްގެންދިޔަ ހަރަކާތްތަކެއް ނަމަވެސް، ފުލުހުންނާއި މުޒާހަރާގެ ބައިވެރިންގެ ދެމެދުގައި ހިނގި ހަމަނުޖެހުންތަކުގެ ސަބަބުން ސިޓީތަކުގެ އާންމު މަސްރަހު ވަނީ ވަރަށް ބޮޑަށް ގޯސްވެފަ އެވެ.
