މިކަން ސަރުކާރުން އިއުލާންކުރީ އަންނަ އަހަރަށް ލަފާކުރާ ދައުލަތުގެ ބަޖެޓް ހުށައަޅުއްވާ ދެއްވަމުން ފިނޭންސް މިނިސްޓަރު ހަސަން ޒަރީރުއެވެ.
2027 ވަނަ އަހަރަށް ލަފާކޮށް ދައުލަތުން ހުށައަޅާފައިވަނީ 59.7 ބިލިއަން ރުފިޔާގެ ބަޖެޓެކެވެ. މީ މި ހިނގާ އަހަރަށް ފާސްކުރި ބަޖެޓަށް ވުރެ 4.5 ބިލިއަން ރުފިޔާ މަދު އަދަދެކެވެ.
ބަޖެޓް މަޖިލިހަށް ހުށައަޅުއްވަމުން ފިނޭންސް މިނިސްޓަރު ހަސަން ޒަރީރު ވިދާޅުވީ ދިވެހިންގެ މެދުގައި ދުޅަހެޔޮ ބަދަހި މުޖުތަމައެއް ބިނާވެފައި އޮތުމަކީ މި ސަރުކާރުން އަބަދުވެސް އަހައްމިއްޔަތުކަން ދޭ ކަމެއްކަމަށެވެ. އެހެންކަމުން ރާއްޖޭގެ ކޮންމެ އަތޮލެއްގައި ރައްޔިތުން ޕިކްނިކް ދާނެ ރަށެއް ހެދުމަށް ނިންމާފައިވާކަމަށް މިނިސްޓަރު ޒަރީރު ވިދާޅުވި އެވެ.
އެހެންނަމަވެސް އެކަމަށް ބަޖެޓްގައި ހިމަނާފައިވަނީ ކިހާވަރެއްކެމެއް ބަޖެޓް ބަޔާނުގައި މިނިސްޓަރު ވިދާޅެއް ނުވެއެވެ.
