އާސާރީ ދިރާސާވެރިން ބުނާ ގޮތުގައި، މި އުޅަނދަކީ ގާތްގަނޑަކަށް 4,500 އަހަރުވީ، އީރިލީ ބްރޯންޒް އޭޖް ނުވަތަ ކުރީގެ ބްރޯންޒް ޒަމާނުގެ (2700 އާއި 2400 ބީސީއާ ދެމެދު) ދުވަސްވަރަށް ނިސްބަތްވާ އުޅަނދެކެވެ.
މި އުޅަނދު ކަނޑުގެ އަޑިން ފެނުނު އިރު، އޭގެ ލަކުޑި އޮނިގަނޑުގެ ބޮޑުބައި ވަނީ ޒަމާންތަކާއެކު ކުނިވެ ހަލާކުވެފައެވެ. ނަމަވެސް، އެ އުޅަނދުގައި އުފުލި އާސާރީ ސެރަމިކް ޕޮޓަރީ ނުވަތަ މުށި ކަންވާރުތަކުގެ ކާގޯ ވަނީ ވަރަށް ރަނގަޅަށް ރައްކާތެރިކަމާއެކު ސަލާމަތުން ހުއްޓާ ފެނިފައެވެ. މި ތަކެއްޗަކީ އެވޭލާ ޒަމާނުގައި ކަނޑުމަގުން ކުރެވުނު ވިޔަފާރިއާއި ދަތުރުފަތުރުގެ ކަންކަން ދެނެގަތުމަށް ލިބުނު ވަރަށް މުހިންމު އަދި ތާރީޚީ ސާބިތު ހެކިތަކެކެވެ.
އާކިއޮލޮޖިސްޓުން ފާހަގަކުރާ ގޮތުގައި، އުޅަނދުން ފެނުނު މި ސެރަމިކް ތަކެތީގެ ސަބަބުން މެޑިޓަރޭނިއަން ކަނޑުގެ ސަރަހައްދުގައި އެންމެ ކުރީގެ ބްރޯންޒް ޒަމާނުގައި ބޭނުންކުރެވުނު ކަނޑު ދަތުރުފަތުރާއި ވިޔަފާރީގެ މަގުތަކާ ބެހޭގޮތުން ކުރިން އެނގިފައިނުވާ ފަދަ އާދަޔާޚިލާފު މައުލޫމާތުތަކެއް ވަނީ ތިލަވެފަ އެވެ. މިއީ ތާރީހީ ސާފު ހެކިތަކާއެކު އެވޭލާ ވިޔަފާރީގެ ނިޒާމު ދެނެގަތުމަށް ލިބުނު ބޮޑު ކުރިއެރުމެކެވެ.
