ads
ދިރާގު ރޯޑް ރޭހުގެ ލައިވް ޓްރެކިންއަށް މޮބައިލް އެޕެއް ތައާރަފުކުރުން
ދިރާގު ރޯޑް ރޭހުގެ ލައިވް ޓްރެކިންއަށް މޮބައިލް އެޕެއް ތައާރަފުކޮށްފި
ހުޅުމާލޭގައި މާދަމާ ބާއްވާ ދިރާގު މޯލްޑިވްސް ރޯޑް ރޭސް (ޑީއެމްއާރްއާރް)ގެ 17 ވަނަ އެޑިޝަނާ ގުޅޭ އެންމެ ފަހުގެ މައުލޫމާތުތަކާއި ދުވުންތެރިން ދުވަމުންދާ ހިސާބު ވަގުތުން ބެލޭ ހާއްސަ މޮބައިލް އެޕްލިކޭޝަނެއް ތައާރަފުކޮށްފި އެވެ.
Advertisement

މި އެޕްލިކޭޝަނަކީ ދުވުންތެރިންނާއި އެ ފަރާތްތަކަށް ހިތްވަރުދޭ ސަޕޯޓަރުންނަށް، ރޭހާ ގުޅޭ އެންމެހައި މައުލޫމާތު އެއް ޕްލެޓްފޯމެއް މެދުވެރިކޮށް ފަސޭހަކަމާ އެކު ފޯރުކޮށްދިނުމުގެ މަގުސަދުގައި ފަރުމާކޮށްފައިވާ އެޕެކެވެ.

ޑީއެމްއާރްއާރް އެޕްލިކޭޝަން މިހާރު އެންޑްރޮއިޑް އަދި އައިއޯއެސް ޑިވައިސްތަކަށް ވެސް ޑައުންލޯޑް ކުރެވެން ހުންނާނެ ކަމަށާއި މި ދުވުމުގެ އެންމެ ފަހުގެ މައުލޫމާތުތައް ހޯދުމަށް ހުރިހާ ދުވުންތެރިންނާއި ސަޕޯޓަރުންވެސް މި އެޕްލިކޭޝަން ބޭނުންކުރުމަށް ދިރާގުން ވަނީ އެދިފައެވެ.

އެ ދުވުމާ ގުޅޭ އެންމެ ފަހުގެ މައުލޫމާތު، ދުވުމަށް ޚާއްސަ ވެބްސައިޓް www.dmrr.mv އިން ވެސް ލިބެން ހުންނާނެ އެވެ.

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން ބޭއްވުމަށް ހަމަޖެހިފައިވަނީ މާދަމާ ހުޅުމާލެ ސެންޓްރަލް ޕާކުގަ އެވެ.

އެކި ކެޓަގަރީތަކަށް ބަހާލައިގެން ކުރިއަށްގެންދާ މި އަހަރުގެ ދުވުމުގައި 5،500އަށް ވުރެ ގިނަ ދުވުންތެރިން ވަނީ ބައިވެރިވުމަށް ރަޖިސްޓަރީ ކޮށްފަ އެވެ.

 

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް