އިއްޔެ ހިނގި މިހާދިސާ އާއި ގުޅިގެން ރާއްޖޭގެ ބައެއް މީޑިއާތަކުން، ގަމު ރީޖަނަލް ހޮސްޕިޓަލްގެ ސީލިންގް ފީވެގެން ވެއްޓުނު ކަމަށް ރިޕޯޓްކޮށްފައިވާތީވެ، އެކަން ދޮގޮ ކުރައްވާ އެ ހޮސްޕިޓަލްގެ ސީއީއޯ އަބްދުލް ހަންނާން އަބްދުއްރަހީމް ވިދާޅުވީ، އޭސީ ޕަމްޕުން ފެން ބޭނުން ބޭރު ނުކުރެވި، ޖިޕްސަން ބޯޑާ ދިމާލުން ފެން ލީކުވެ ، ފޯވެގެން ކަމަށެވެ. އަދި މިހާދިސާ ހިނގިއިރު އައިސީޔޫގައި އެއްވެސް މީހަކު ނެތް ކަމަށްވެސް ހަންނާނު ވިދާޅުވިއެވެ.
އިތުރަށް ވާހަކަ ދައްކަވަމުން ހަންނާނު ވިދާޅުވީ، އައިސީޔޫ އަކީ ވަކި ފިނިމިނެއްގައި ބަހައްޓަން ޖެހޭތީ ބަލި މީހަކު ނެތަސް އޭސީ ޖައްސާ ކަމަށެވެ. އަދި އައިސީޔޫގައި މީހަކު ނެތް ނަމަ އެ ތަނަށް އެއްވެސް މީހަކު ނުވަންނާނެ ކަމަށެވެ. އެ ހާދިސާ ހިނގުމާ ހަމައަށް، އެ ތަން ބޭނުން ނުކުރާތާ ހަތަރު ދުވަސް ވެއްޖެ އެވެ. ފެން ލީކުވުމުގެ މައްސަލައެއް އުޅޭކަން ނޭނގުނީ ވެސް އެހެންވެ ކަމަށެވެ.
އޭސީއިން ފެން ލީކުވުމުގެ މައްސަލަ ހައްލުކުރުމުގެ މަސައްކަތް މިހާރު ކުރެވެމުންދާ ކަމަށާއި، އަދި މިހާދިސާ އައިސީޔޫ އިން ދެމުން އަންނަ ހިދުމަތްތައް މިހާރުވެސް ދެމުން އަންނަކަން ހަންނާނު ފާހަގަ ކުރެއްވިއެވެ.