އެ މިނިސްޓްރީ އިން ނެރުނު ބަޔާނެއްގައި ބުނެފައި ވަނީ ހުކުރު ދުވަހު ފަނޑުހިޔަނީގެ ހަނދުކޭތައެއް ހިފާނެ ކަމަށެވެ. އެ ހަނދުކޭތަ އެންމެ ބޮޑަށް ފެންނާނީ 22:45 އިން ފެށިގެން މެންދަމު 00:24 އާ ހަމައަށް ކަމަށް މިނިސްޓްރީން ބުނެ އެވެ.
މިނިސްޓްރީ އިން ބުނީ މިއީ ފަނޑުހިޔަނީގެ ކޭތައެއް ކަމުން ކޭތަ ފާޅުވާނީ ވަރަށް ކުޑަކޮށް ކަމަށާއި އެ ކޭތައާ ގުޅިގެން ކޮންމެ ރަށެއްގައިވެސް ހުންނަ އެންމެ ބޮޑު މިސްކިތްތަކުގައި ހޮނިހިރު ވިލޭރޭގެ މެންދަމު 12:15 ގައި ކޭތަ ނަމާދުކުރުން އޮންނާނެ ކަމަށެވެ.
އެހެންކަމުން މާދަމާރޭ ރާއްޖޭގައި މީހުން ދިރުއުޅޭ ރަށްރަށުގައި ހުންނަ އެންމެ ބޮޑު މިސްކިތުގައި ކޭތަ ނަމާދު ކުރެވޭނެ އިންތިޒާމް ކައުންސިލް އިދާރާއިން ހަމަޖައްސައި ދިނުމަށް ކައުންސިލްތަކަށް މިނިސްޓްރީން މިހާރު ވަނީ އަންގައިފައި ކަމަށް މިނިސްޓްރީ އިން ބުނެ އެވެ.
އޭގެ އިތުރުން މިިނިސްޓްރީ އިން ވަނީ އެ ނަމާދު ކުރާނީ ރާއްޖޭގެ މީހުން ދިރިއުޅޭ ރަށްތަކުގެ ތެރެއިން ހަތް ރަށެއް ފިޔަވައި އެހެން ހުރިހާ ރަށެއްގައި ކަމަށް ފާހަގަކޮށްފަ އެވެ. އަދި ނަމާދުކުރާނީ ކައިރިކައިރީގައި ތިބެގެން ކަމަށްވެސް މިނިސްޓްރީ އިން ބުނެއެވެ.
