ads
ގައުމީ ޓީމުގެ ޕްރެކްޓިސް
ސައްޓު، އިއްބެ އަދި ދާދު ބާކީކޮށް ގައުމީ ޓީމު އެކުލަވާލައިފި
ގައުމީ ޓީމުގެ ކޯޗު މާޓިން ކޫޕްމަން އާއި އެސިސްޓަންޓް ކޯޗު ނެދަލެންޑްސްގެ ރިނޭ ހިޑިންކް އަދި އަލީ ސުޒޭންގެ އިރުޝާދުގެ ދަށުން އެކުލަވާލި ގައުމީ ޓީމުން މާޒިޔާގެ ނާއިޒު ހަސަން (ދާދު)، އިބްރާހިމް ވަހީދު ހަސަން (އިއްބެ) އަދި ޓީސީގެ ފޯވާޑް އިޝާން އިބްރާހިމް (ސައްޓު) ބާކީކޮށް ގައުމީ ޓީމުގެ ޕްރެކްޓިސް ފަށަން އެފްއޭއެމުން އަންނަނީ ތައްޔާރުވަމުންނެވެ.

ރަސްމީކޮށް އެފްއޭއެމުން، އަލަށް އެކުލަވާލި ފަންސަވީސް ކުޅުންތެރިންގެ މައްޗަށް އެކުލެވޭ ގައުމީ ސްކޮޑް، މީޑިއާއަށް ހިއްސާކޮށްފައި ނުވި ނަމަވެސް ފަންސަވީސް ކުޅުންތެރިންގެ ތެރޭގައި ދާދު އާއި އިއްބެ އަދި ސައްޓު ނުހިމެނެ އެވެ. މީގެ އިތުރުން އަނިޔާގައި ހުރި އަސަދުﷲ އަބްދުﷲ އާއި މުހައްމަދު ނާއިމް އާއި މުހައްމަދު ޖައިލަމް (އޮގީ) އަދި ހައިޝަމް ހަސަން އާއި މުޖުތާޒް މުހައްމަދު (މުޖޭ) އަދި ގްރީސް ސްޓްރީޓްސްގެ ސާއިފުވެސް މި ފަހަރު ނުހިމެނެ އެވެ.

ގައުމީ ޓީމުން އެންމެ އަވަހަށް ކުޅެން އޮތް މެޗަކީ އަންނަ އޮކްޓޫބަރު މަހު ޗައިނާއާއި ދެކޮޅަށް ރަށުން ބޭރުގައި ކުޅެން ޖެހޭ މެޗެވެ. އޭގެ ފަހުން މާލޭގައި ސީރިޔާއާ ދެކޮޅަށް އޮކްޓޫބަރު މަހު ކުޅުމަށް ފަހު، ނޮވެމްބަރު މަހު ރަށުން ބޭރުގައި ފިލިޕީންސްއާ ދެކޮޅަށް ކުޅޭނެ އެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް