ސުޒެއިން މިހެން ބުނީ، ކުރީގެ ރައީސް ޑރ. ވަހީދުގެ ދެމަފިރިކަނބަލުންނާއި އެމްޑީޕީ އެކްޓިވިސްޓަކު ދިމާކުރި މައްސަލައެއް ފެންމަތިވެފައިވަނިކޮށެވެ. އަދި މިކަމާއި ގުޅިގެން ރައީސް ނަޝީދުގެ މައިންބަފައިންނާ ދިމާ ކުރާނެ ކަމަށް ބައެއް ފަރާތްތަކުން އަންނަނީ ސޯޝަލް މީޑިއާގައި ބުނަމުންނެވެ.
ކުރީގެ ރައީސް ޑރ. މުހައްމަދު ވަހީދު ޙަސަން މަނިކާއި އެ މަނިކުފާނުގެ އަނބިކަނބަލުން ކަސްރަތަށް ނުކުންނަވައި އުޅުއްވަނިކޮށް އެމްޑީޕީގެ އެކްޓިވިސްޓެއް އެ ދެމަފަރިކަނބަލުންނަށް ފުރައްސާރަކުރި މައްސަލައެއް ފެންމަތިވުމާއި އެކު ބައެއް ފަރާތްތަކުންވަނީ ރައީސް ނަޝީދުގެ ބައްޕާފުޅު، ކެނެރީ އަބްދުއްސައްތާރާއި މަންމާފުޅު އާބިދާ، ހެނދުނު ކަސްރަތަށް ނުކުންނަވާ އުޅެނިކޮށް ދިމާކުރާނެ ކަމަށް ބުނެފައެވެ. އަދި އެ ދެބޭފުޅުންނަށް ނިސްބަތްކޮށް ސޯޝަލް މީޑިއާގައި ހުތުރު ބަހުން ބައެއް ޕޯސްޓްތައްވެސް ކޮށްފައިވަނިކޮށް، ސުޒޭން ކުރި ޕޯސްޓެއްގައިވަނީ އެކަންކަމާއި ދެކޮޅު ހައްދަވާފައެވެ.